Lappi guovlohálddahusa čoahkkima 17.8.2022 mearrádusdieđáhus

Strategiijahoavdan Olli, fáktavuoru ja válmmašvuođa hoavdan Portaankorva

Guovlohálddahus válljii buresveadjinguovllu strategiijahoavdan Gihttela vuođđodorvohoavdda Sirkka-Liisa Olli. Virgái ledje siskkáldas dieđihanmeannudeamis dieđihan 12 olbmo.

Fáktavuoru ja válmmašvuođa hoavdda virgái válljejuvvui Länsi-Pohja buohccedikšunbiire vuosttašdikšuma njunušdoavttir Petra Portaankorva. Virgái ledje siskkáldas dieđihanmeannudeamis dieđihan logi olbmo.

 

Ođđa doaimmat bargiid-, ekonomiija-, it- ja dieđihanbálvalusaide

Guovlohálddahus vuođđudii bargiidbálvalusaide njeallje bargiidáššedovdi, golbmalogiokta bálvalangaskavuođaáššedovdi, guokte bargoburesveadjináššedovdi, guokte rekryterenáššedovdi ja ovtta erenoamášáššedovdi doaimma. Ekonomiijabálvalusaide vuođđuduvvojedje vihtta rehkenastináššedovdi, okta erenoamášplánejeaddji, njealljenuppelohkái ekonomiijaplánejeaddji, guokte váldorehketdoalli, golbma rehketdoalli ja guoktelogi ekonomiijaáššedovdi doaimma.

Diehtohálddahusa ja digitaliserema ovddasvástádusovttadahkii guovlohálddahus vuođđudii diehtohálddahushoavdda, vuogádathoavdda, ICT-ovddidanhoavda, diehtodorvohovdejeaddji ja diehtosuodjehovdejeaddji virggiid. Lassin vuođđuduvvui diehtobálvalanhoavdda, bálvalanhoavdda (ICT-arkitektuvra, vuogádatarkiteakta), integrašuvdnaarkiteavtta ja diehtoarkiteavtta doaimmat.

Jos muhtun virggiid dahje doaimmaid eai lihkostuva deavdit siskkáldasat, sáhttit geavahit almmolaš ohcama.

Lassin guovlohálddahus vuođđudii dieđihanbálvalusaid ovddasvástádusovttadahkii guokte doaimma, mat biddjojuvvojit almmolaččat ohcan láhkai.

 

Stivrenjoavku buhtte sámegiela lávdegotti doaisttážii

Guovlohálddahus vuođđudii sámegielat bálvalusaid válmmaštallama doarjjan stivrenjoavkku, mii čoahkkana sámegiela lávdegoddái dán rádjái nammaduvvon aitosaš lahtuin. Stivrenjoavkku ságajođiheaddjin doaibmá sámegiela lávdegotti ságajođiheaddji.

Stivrenjoavku doaibmá válmmaštallama doarjjan dan rádjái, ahte guovlostivra vállje sámegiela lávdegoddái lahtuid ja várrelahtuid. Lávdegotti čoahkkáibijus lea váidaluvvon hálddahusriektái.

 

Eará guovlohálddahusa mearrádusat:

  • Meroštallojuvvojedje buresveadjinguovlohoavdda várreolbmot. Vuosttas sadjásaš lea sosiálahoavda Liisa Niiranen ja nubbi sadjásaš lea dearvvašvuođahoavda Miia Palo. Eará sadjásaččat leat ortnegis hálddahushoavda Harri Tiuraniemi, ovddidanhoavda Mikko Häikiö ja gádjunhoavda Markus Aarto.
  • Ovddidanhoavda Mikko Häikiö álggaha virggis 1.9.2022. Son bargá dán jagi lohppii mearreáigásaš soahpamušain oasseáigásaččat. Fástabargogaskavuohta álgá boahtte jagi álggus.
  • Merkejuvvui diehtun ekonomiija ollašuvvan áigodagas 1.1.-20.6.2022.
  • Mearriduvvui álggahit ovttas gielddaiguin sosiálafuolahuslága ja lápmásiidbálvalanlága dárkkuhan olbmuidfievrridemiid guoski gilvalahttin. Gilvalahttin guoskkašii bálvalusaid, maid soahpamušat leat nohkamin dán jagi. Gilvalahttin guoská boahtte jagi sihke guovtti ovtta jagi opšuvnna. Guovlohálddahus mearrida maŋŋeleabbo háhkanmeannudeamis ja guovddáš válljenkritearain.
  • Nammaduvvui buresveadjinguovlohoavda Jari Jokela evttohassan lahttun sosiála- ja dearvvašvuođaministeriija vuollásaš sosiála- ja dearvvašvuođafuolahusa ráđđádallangoddái. Su persovnnalaš várrelahttun evttohuvvo dearvvašvuođahoavda Miia Palo.
  • Nammaduvvui buresveadjinguovllu láhkaáššiidhoavdan válljejuvvon Miikka Ruokamo Lappi buresveadjinguovllu kontáktaolmmožin buresveadjinguovlluid ja Gieldalihttu oktasaš bálvalanfitnodatsearvvi vuođđudeami válmmaštalli stivrenjovkui.
  • Vástiduvvui vuorrasiid bálvalusaid bálvalanseđeliid alimus árvvuid guoski cealkámušbivdagii, man Roavvenjárgga gávpot lea bivdán. Lappi buresveadjinguovlu nanne vuorrasiid bálvalusaid bálvalanseđeliid árvvuid ja njuolggadusgirjjiid oasistis vel dán jagi áigge. Dohkkehuvvon bálvalanseđeliid árvvut ja njuolggadusgirjjit buhttejit Lappi gielddaid njuolggadusgirjjiid boahtte jagi álggu rájes.
  • Mearriduvvui, ahte buresveadjinguovllus ii leat dárbu addit hálddahusriektái vuostečilgehusa Länsi-Pohja sosiála- ja dearvvašvuođabálvalusaid ja buohccedikšunbiire gieldaovttastumi ovttastusstivrra cealkámuššii, mii guoská Länsi-Pohja gieldaovttastumi vuolláibáhcaga gokčama vuolidemiin gieldaovttastumi vuođđooaiveoami. Länsi-Pohja ovttastusstivra lea addán Lappi buresveadjinguovllu váidagii hálddahusriektái cealkámuša, man mielde váidaga galgá dohkkehit.
  • Stivrajoavkkuid doaimma doarjuma mihttomearit evttohuvvojit guovlostivrra dohkkehanláhkái.

 

Lassedieđut:

guovlohálddahusa ságajođiheaddji Tapani Melaluoto, tapani.melaluoto@lapha.fi, 040 841 0311

buresbirgenguovlohoavda Jari Jokela, jari.jokela@lapha.fi, 040 532 3998

 

Lassedieđut mearrádusain áššelisttus/beavdegirjjis: https://lapha.fi/paatoksenteko/poytakirjat-ja-esityslistat

Muita uutisia