Áššehasa ja buohcci dorvvolašvuohta

Buohcce- ja áššehasdorvvolašvuohta lea lágidan láhkái bálvalusaid kvalitehta vuođđu. Bálvalusaid dorvvolašvuođa ovdánahttimii lea dehálaš oažžut dieđuid várra- ja hehttehusdiliin. Almmuhusat gieđahallojit luhtolaččat dáhpáhusovttadagas ovdaolbmo jođihusas. Dáhpáhusa dagahan sivat čielggaduvvojit, vai sáhttit garvit sullasaš dáhpáhusaid boahtteáiggis.  

Almmut várradáhpáhusas

Sáhtát dahkat várradillealmmuhusa, juos fuomášat min bálvalusain dáhpáhusa, mii dagahii dahje livččii sáhtán dagahit hehttehusa áššehassii dahje buohccái. Várradillealmmuhus lea oaivvilduvvon buohcciid, áššehasaid, oapmahaččaid ja lagamuččaid geavahussii.
 
Almmuhusas sáhttá muitalit dáhpáhusa birra ja dahkat ovddidanevttohusaid. Skovvi devdojuvvo neahtas ja sáddejuvvo elektrovnnalaččat Lappi buresveadjinguovllu gieđahallamii. Bálvalus ii gáibit identifiserema. Go dagat almmuhusa, lasit iežat oktavuođadieđuid mielde, vai mii sáhttit sáddet gieđahallama maŋŋá máhcahaga dutnje šleađgapoasttain. 

Deavdde skovi: Várradillealmmuhus

Diehtodorvo- dahje diehtosuodjealmmuhus

Diehtodorvo- dahje diehtosuodjealmmuhusskovvi lea buohcciid, áššehasaid ja lagamuččaid geavahussii oaivvilduvvon elektrovnnalaš skovvi, mii dahká vejolažžan diehtodorvui dahje diehtosuodjái laktáseaddji várradáhpáhusaid almmuheami. Almmuhusaid gieđahallet Lappi buresveadjinguovllu diehtosuodje- dahke diehtodorvovástideaddjit.

Deavdde skovi: Diehtodorvo- ja diehtosuodjevárradáhpáhusa almmuhus