Arkeen Voimaa
Árgii fámuid – iešdikšuma kursa
Päivitys 11.11.2025: Kursseille ei voi enää ilmoittautua. Tulossa on vielä tapaamiset: Tornio /Taukotupa klo 13.30-16 keskiviikkoisin 12.11., 19.11. ja 26.11.
Árgii fámuid -kurssas gieđahalat buresveadjimii laktáseaddji temáid ja oahpahalat iešdikšuma bargoreaidduid. Sáhtát oassálastit kursii, jos dus lea okta dahje eanet árgga hástalus dahje leat beroštuvvan buoridit iežat buresveadjima. Árgga hástalus sáhttá leat mii beare du vásihan áššiid, mii buktá du árgii hástalusa dego ovdamearkka dihte oktonasvuohta, iežat dahje lagamučča guhkesáiggebuohcuvuohta, fuones borranhárjánumit, lihkatkeahtesvuohta dahje mánnábearrašiid bárisjagit.
Kursa sisttisdoallá guhtta (6) deaivvadeami joavkkuin, oktii vahkus guđa (6) vahku áigge. Okta kursageardi bistá 2,5 diimmu ja sisttisdoallá 20 minuhta bottu.
Kurssat čađahuvvojit sihke njunnálagaid joavkun ja gáiddusjoavkun. Gáiddusjoavku čoahkkana Teams-prográmma bokte. Kurssaide váldojuvvojit 8─14 oassálasti. Kurssa bagadallin leat guokte Árgii fámuid -joavkobagadalli. Buohkat, geat leat beroštuvvan, jearahallojuvvojit telefovnna bokte ovdal joavkku álggaheami.
Kurssa boddii oaččut luoikkasin Arkeen Voimaa - Pienin askelin kohti sujuvampaa arkea -girjji. Sáhtát luoikkahit girjji maiddái girjerájus ja mannat čađa kursasisdoalu iešheanalaččat girjji vehkiin.
Geasa joavku lea dárkkuhuvvon?
Sáhtát oassálastit Árgii fámuid -kursii, jos:
- leat badjel 18 jahkásaš
- basttat oassálastit ságastallamii ja čuovvut ságastallama suomagillii
- dus eai leat dakkár gullo- ja muitováttisvuođat, mat eastadit ságastallama bagadalliiguin ja eará kursalaččaiguin
- seavagiela dulka sáhttá boahtit fárrui kursii
- du eallimis ii leat áigeguovdilis kriisadilli
- sáhtát čatnasit kursaollisvuhtii.
Mo oaččut bálvalusa?
Sáhtát almmuhit ieš iežat beroštumis jovkui oassálastimis. Dieđut álgi joavkkuin ja almmuhanrávvagiid gávnnat Varha neahttasiidduin. Almmuheami oktavuođas oaččut lassedieđu joavkku birra.
Go divššut ášši sosiála ja dearvvasvuođabálvalusain, sáhtát bivdit bargi almmuhit du jovkui. Jos gáibidat lassedieđuid dahje it gávnna alccet heivvolaš joavkku, riŋge dahje sádde teakstadieđu joavkodoaimma koordinerejeaddji olbmuide.
Almmuheamit ja lassedieđut
Maija Vaara
050 315 1274
maija.vaara@lapha.fi
Aino Vikeväkorva
040 184 5512
aino.vikevakorva@lapha.fi
Satu Seppälä
040 675 9270
satu.seppala@lapha.fi
Maija Rahko
040 525 5296
maija.rahko@lapha.fi
Lassedieđut, VASA-fidnu
Linda Jaako,
Prošeaktahoavda, dearvvasvuođabálvalusat ja hytetu-bálvaluskonseapta
040 849 6297
linda.jaako@poske.fi
VASA 2 - Vahva sote Lapin hyvinvointialueelle -fidnu
Arkeen Voimaa - Pienin askelin kohti sujuvampaa arkea -girji (2022)
Girjji ulbmilin lea addit dieđu ja geavada bargoreaidduid, maiguin lea vejolaš dahkat nuppástusaid ja buoridit iežas árgabeaibirgema árgga hástalusain beroškeahttá. Girjjis leat ollu álkes geavada cavgileamit, mo hálddašit váibama, bákčasa, lahpastuvvama, nagirváttisvuođaid ja miellalági njiedjama. Girji doaibmá maiddái iehčanas lohkangirjin, vaikko ieš it jovkui oassálasttáše.
Girjji sáhttá luoikkahit iežas gieldda girjerájus ja Saavutettavuuskirjasto Celias jietnagirjin.