Bargodearvvašvuođafuolahus

Bargodearvvašvuođafuolahus gullá buohkaide, geat leat barggus. Lágas mearriduvvon bargodearvvašvuođafuolahus lea ovdaeastadeaddji ja áimmahuššá bargonávccaid. Dan ulbmil lea doarjut du bargonávccaid olles dan áiggi, go leat barggus. Buohccedivššu ordnen lea bargoaddái eaktodáhtolaš.

Bargodearvvašvuođafuolahusa ordne ja máksá bargoaddi. Fitnodatolmmoš dahje iežas barggu bargi olmmoš sáhttá ordnet bargodearvvašvuođabálvalusaid alcces. Bargoaddi sáhttá oastit bargodearvvašvuođabálvalusaid buresveadjinguovllus, priváhta doavtterguovddážis dahje eará bálvalusbuvttadeaddjis. Bargoaddi sáhttá maiddái ordnet bargodearvvašvuođafuolahusa iežas doaibman.

Bargga ná

Váldde oktavuođa iežat bargoaddái. Son muitala dutnje, mat bálvalusat du bargobáikki bargodearvvašvuođafuolahussii gullet ja addá du bargodearvvašvuođafuolahusa oktavuođadieđuid. Lappi buresveadjinguovllu iežas bargiid bargodearvvašvuođafuolahusa birra gávdnojit dieđut Kaltio-intras.

Lappi buresveadjinguovllu gilvalahttojuvvon bálvalusbuvttadeaddjit guovlluid mielde

Mii leat ordnen lágas mearriduvvon bargodearvvašvuođafuolahusa min guovllus doaibmi fitnodagaid bargiide ja fitnodatolbmuide gilvalahttimiin daid fitnodagaid, mat fállet bálvalusa. Gilvalahttima dárkkuhussan lea leamaš sihkkarastit, ahte buot guovlluin gávdno bargodearvvašvuođafuolahusa bálvalusbuvttadeaddji.

Lágas mearriduvvon bargodearvvašvuođafuolahusa bálvalusat ordnejuvvojit Lappi buresveadjinguovllus ná:

Lappica buvttada bargodearvvašvuođafuolahusa bálvalusaid Eanodagas, Muonás, Ranuas, Roavenjárggas, Soađegilis ja Badje-Durdnosis.

Terveystalo buvttada bargodearvvašvuođafuolahusa bálvalusaid Anáris, Giemajávrris, Pelkosenniemis, Sallas, Suovvaguoikkas, Tervolas ja Ohcejogas.

Mehiläinen buvttada bargodearvvašvuođafuolahusa bálvalusaid Giemas, Giemaeatnamis ja Durdnosis.

Pihlajalinna buvttada bargodearvvašvuođafuolahusa bálvalusaid Gihttelis, Kolaris ja Pellos.

Oulunkaari buvttada bargodearvvašvuođafuolahusa bálvalusaid Simos.

Coronaria buvttada bargodearvvašvuođafuolahusa bálvalusaid Posios.