Behttosiid váruheapmi ja dorvvolašvuohta neahtas
Behttosiid váruheapmi ja dorvvolašvuohta neahtas
It dárbbaš heahpanit, juos leat gártan gillát behttosis dahje rihkkosis. Oza roahkkadit veahki. Go fuolahat diehtodorvoáššiin ja leat muđuige várrugas neahtas, it leat nu álkket beahttimis. Earenomážit neahttarihkkosiid ja -behttosiid sáhttá leat váigat dovdát. Vearredahkkit sáhttet oččodit báŋko- ja eará persovnnalaš dieđuid dahje sosiálalaš media konttuid dieđuid.
Lea dehálaš ságastallat neahttadorvvolašvuođa sihke -behttosiid ja -rihkkosiid birra juo ovddalgihtii sihke mánáiguin ja eallilan olbmuiguin. Mánáide sáhttá oahpahit, mo galgá doaibmat, juos mii nu neahtas ii oro áibbas riekta, ja muđuige mo neahta sáhttá geavahit dorvvolaččat. Eallilan olbmuide lea buorre čuvget dábálamos beahttinvugiid, dego telefon- ja neahttabehttosiid, sihke fállat doarjaga digitála bálvalusaid geavaheapmái.
Loga lasi behttosiid eastadeamis ja neahttadorvvolašvuođa lasiheamis:
Ná suddjet iežat neahttabehttosiin | Kyberdorvvolašvuođaguovddáš
Neahttadorvvolašvuohta – Mannerheim mánáidsuodjalanlihttu
Neahttabehttosat – Rihkusgillájeaddjiid telefonbálvalus
Juos du persondieđut leat suoláduvvon dahje suođđan, lea dehálaš doaibmat jođánit. Vuolábealde gávnnat áigeguovdilis rávvagiid das, mo doaibmat juos lea várran ahte du persondieđut geavahuvvojit boastut.
Mu persondieđut leat suoláduvvon dahje suođđan – Suomi.fi