Dearvvas alŋŋat
Aldnavuolši ja laktagođusvuolši
Beaktilamos aldnavuolšši dikšunvuohki lea jeavddalaš bániidgeallan ja bátnegaskkaid buhtisteapmi. Alnnat vulšot, go bátnemáddagii darvánit duolvvat. Juos bániid ii geala, dát duolvvat garret ja šaddet bátnedurdin, mii ii luovvan bátnedoaktára veahki haga.
Vulšon alnnat ruoksájit ja bohtanit, ja dat sáhttet maid vardit ovdamearkka dihte bániid geallama dahje bátnegaskkaid buhtisteami oktavuođas. Beaktilis ja jeavddalaš iešdikšu lea aldnavuolšši beaktilamos dikšunvuohki!
Juos aldnavuolši ii dikšojuvvo, dat sáhttá ovdánit paradontiihtan. Paradontiihta oaivvilda baktera dagahan vuolšši bániid laktagođđosiin. Juos dávda beassá ovdánit, bátni sáhttá lihkadišgoahtit ja juoba gahččat. Paradontiihta dikšui gullet jeavddalaš njálmmi buhtisteapmi ruovttus, bátnedivššára luhtte fitnan ja bátnedivššára addin dikšunrávvagiid čuovvun.