Eallilan olbmuid boradeapmi

Borramuša ja dan dearvvaslašvuođa mearkkašupmi doaibmannávccaid ja dearvvasvuođa dáfus stuorru, go olmmoš boarásma.

Boarásmuvadettiin gorut rievdá. Olbmo energiija dárbu uhccu, muhto máŋggaid biebmoávdnasiid dárbuges seailu ja juoba stuorru agi mielde. Agáiduvvan váikkuha maiddái čoliide, smáhkka- ja hádjaáiccuide, nealggi ja goikku dovdamušaide ja njálmmi dearvvasvuhtii, ja dat sáhttet váikkuhit olbmo borranlustui. Maiddái oktonasvuohta sáhttá čuohcat dasa. Boarásmanagis biebmováili ja ruoidnan leatge dávjá stuorát várra, go buoidun.

Lea álkit borrat máŋggabealagit ja doarvái, go borada jeavddalaččat. Borramuš galgá maiddái buktit ilu ja das galgá sáhttit návddašit – dat virkkosmahttá sihke goruda ja miela!

Juos fuomášat ahte borat menddo oktabealagit dahje leat ruoidnagoahtán menddo sakka, váldde oktavuođa dearvvasvuođafuolahussii.

Lassidieđut ja evttohusat eallilan olbmo boradeapmái:

Biebmorávagirjjáš eallilan olbmuide (Stáhta biebmoráđđádallangoddi) 

Bieboráđđádallangotti Vireyttä seniorivuosiin -siiddus  sihke Gery rs  Voimaa ruuasta -siiddus gávdnojit boradeapmái ja buresbirgejupmái laktáseaddji dieđut, evttohusat ja teasttat.

Fuolastuhttágo iežat dahje lagaža boradeapmi?

Loga lasi biebmováilli birra Terveyskylä  Ravitsemus riittäväksi - opas vajaaravitsemuksen ehkäisyyn -siiddus. 

Organisašuvnnaid fállan

Lappi buresveadjinguovllu bálvalusat

Iešdikšunprográmmat

Terveyttä edistävä ravinto (gáibida nana dovdáheami)