Gárrenávdnasat, sorjjasvuođat ja buorredilli
Gárrenávdnasat, sorjjasvuođat ja buorredilli
Gárrenávnnasgeavaheapmi sisttisdoallá alkohola, duhpát- ja nikotiinabuktagiid, narkotihkaid ja dálkasiid gárrengeavaheami. Olmmoš sáhttá roahkkasit gárrenávdnasiidda dahje man nu aktivitehtii, dego speallamii dahje sosiálalaš media geavaheapmái. Go olmmoš roahkkasa masa nu, vuoigŋašat hárjánit dasa ja gáibidišgohtet dan eanet ja eanet.
Gárrenávnnasgeavaheapmi ja sorjjasvuođat vahágahttet dearvvasvuođa ja buorredili, ja dat sáhttet šaddat máŋgga láhkai árrun árgaeallimis. Dat sáhttet earret eará geahpedit beroštumi lihkadeapmái ja áiggeájanasaide, čuohcat bargo- ja studerennávccaide sihke nahkáriidda. Unnánisge gárrenávnnasgeavaheapmi sáhttá čuohcat miellaláhkái ja dagahit áŧeštusa, erduivuođa ja oađehisvuođa. Iežat buorredili lassin gárrenávdnasat ja sorjjasvuođat sáhttet čuohcat lagažiiddat buorredillái, iežat olmmošgaskavuođaide ja ruhtadillái. Gárrenávnnasgeavaheamis lea oktavuohta maiddái máŋggaide buohcuvuođaide, ovdamearkka dihte borasdávddaide sihke vuoiŋŋahat- ja varrajohtinorgánaid buohcuvuođaide. Dan lassin gárrenávnnasgeavaheaddjit bártidit ja dovdet dorvvuhisvuođa eanet, go olbmot gaskamearálaččat.
Lea dehálaš dovdát gárrenávnnasgeavaheami ja sorjjasvuođaid mearkkaid ja ohcat veahki. Go gárrenávnnasgeavaheapmái ja sorjjasvuođaide darvánit doarvái árrat, sáhttit eastadit dili vearráneami ja lassivahágiid. Iešdikšunprográmmaid bokte sáhtát guorahallat iežat gárrenávnnasgeavaheami dahje speallama, ja dain gávnnat maid rávvagiid das, mo geahpedit dahje heaitit vahátlaš vieru. Iešdikšunprográmmat leat ávkin dalle, go sáhka ii leat vel vearrás sorjjasvuođas. Iešdikšunprográmmat gávdnojit oalgesiidduin.
Lasi diehtu ja doarjja
Gárrenávnnasrávven tlf. 0800 900 45
Sekasin-Chat (12-29-jahkásaš nuoraide)
Lappi buresveadjinguovllu bálvalusat
Iešdikšunprográmmat