Lihkadeami álggaheapmi

Lihkadeami meari ja intensitehta gánneha lasihišgoahtit gulul. Ná sáhtát lihkadit dorvvolaččat ja návddašit das eanet. Juos lihkadeami álggaha menddo fárttain, mokta láve jođánit jávkagoahtit. 

Juos leat easkkaálgi lihkadeaddji, dutnje sáhttá leat ávkin árvvoštallat iežat lihkadeami dahje lihkatkeahtesvuođa ovdamearkka dihte  UKK-instituhta reaidduin dahje aktiivvalašvuođamihttáriin. Daid vehkiin sáhtát ovdamearkka dihte čuovvut dan, man bures eallinnuppástusa ollašuhttin ovdána. Muitte ahte unnage nuppástus ovddida dearvvasvuođa dalle, go lea sáhka bissovaš nuppástusas. Ođđa nuppástusaid gánneha álggahit easkka dalle, go ovddit nuppástusat leat šaddan juo lunddolaš oassin árgaeallimis.

Lihkadeami gánneha lasihit alcces ja iežas eallimii heivvolamos vugiid mielde. Juos lihkadeapmi ii leat dutnje váimmuguovdoášši, muitte ahte dábálaš árgaeallima doaimmatge ovddidit dearvvasvuođa. Dutkamušaid mielde dušše beare dat, ahte olmmoš geahpeda čohkkáma, ovddida dearvvasvuođa. Dan sáhtát álggahit vaikke juo odne.

Árvvoštala iežat lihkadeami meari UKK-instituhta reaidduin

Juos háliidat, sáhtát vurket bohtosiid čuovvun dihte iežat ovdáneami viggamušastat lihkadišgoahtit eanet.

Ollesolbmot:  Lihkadanávžžuhusaid neahttareaidu – UKK-instituhta 

Orus smiehttat, manin aiddo don háliidat lihkadišgoahtit eanet? 

Mo movttáskit lihkadit -siidui 

Gávnna iežat miela miel lihkadanvuogi ruoktogielddastat:

Gielddaid fállan

Organisašuvnnaid fállan

Lappi buresveadjinguovllu bálvalusat

Iešdikšunprográmmat

Lihkadeami álggaheapmi -iešdikšunprográmma

Easkka álgán lihkadeaddji hárjehus (gáibida nana dovdáheami)