Lihkadeami dorvvolašvuohta

Lihkadeamis lea stuorra mearkkašupmi buresveadjima dáfus. Buohcuvuođat ja dávdamearkkat eai eastte lihkadeami, gohan dušše lihkadat rivttes láhkai. Lihkadeapmi gullá maiddái máŋggaid buohcuvuođaid dikšui.

Juos leat dearvvas eaige dus leat buohcuvuođat dahje dávdamearkkat, sáhtát roahkkadit álggahit geahppa dahje beallelossa lihkadeami almmá doavttirdárkkástusa haga. Lihkadeami meari ja lossatvuođa berre lasihit gulul, ná sáhtát lihkadit dorvvolaččat ja návddašit das. Infekšuvnna áigge ii galgga falástallat, ja dan maŋŋáge lea buorre váldit álggus gulul. 

Juos dus leat dávdamearkkat dahje mii nu vuolábeale buohcuvuođain, berret ságastallat dearvvasvuođafuolahusa ámmátolbmuin ovdal, go álggahat losit lihkadeami (dás ii leat sáhka beaivválaš eallimii laktáseaddji doaimmain).

• váibmo- ja varrajohtinorgánaid buohcuvuođat

• diabetes 

• vuoigŋanorgánaid buohcuvuohta

• alla varradeaddu (ii-dikšojuvvon dahje vearrás varradeaddobuohcuvuohta)

• muhtin eará aktiiva guhkesáiggebuohcuvuohta

• raddebákčasat

• ritmaváttut

• vuoigŋanváttisvuođat

• eahpedábálaš váibbasvuohta

• oaivejorggis dahje illáveadju

• dieđuhisvuođadohppehallamat

Loga lasi lihkadeami joatkimis infekšuvnna maŋŋá Terve Urheilija  -siiddus:

Lihkadeami joatkin vuoiŋŋahatinfekšuvnna maŋŋá (rávvaga dohkkehan: Skuvlennjunušdoavttir Maria Hagnäs 4.2.2025):  Lihkadeami joatkin vuoiŋŋahatinfekšuvnna maŋŋá 

Gáldut:

Lihkadeapmi. Käypä hoito -dikšunávžžuhusat, 2016. hoi50075.pdf (čujuhuvvon 3.12.2024) 

Gávnna iežat miela miel lihkadanvuogi ruoktogielddastat:

Gielddaid fállan

Organisašuvnnaid fállan

Lappi buresveadjinguovllu bálvalusat

Iešdikšunprográmmat