Luondu ovddida buorredili
Luondu ovddida buorredili
Dutkamušaid mielde oanehisge olgodaddanboddu luonddus ovddida sihke miela ja goruda dearvvasvuođa máŋgga láhkai. Nuba olggos gánneha dollet, vaikko ii livčče dilli leat doppe guhká. Luonddus olmmoš lihkada masá fuomáškeahttá, mii ain lasiha luonddus orruma ovdduid.
Dutkamušain leat gávnnahan ahte luondu ovddida mielladearvvasvuođa, eastada šlundivuođa ja streassa sihke buorida miellalági. Luonddus lea dilli smiehtadit ja vuoiŋŋastit, ja doppe orodettiin fuolat ja morrašat dávjá uhccot. Luonddus fitnama maŋŋá váigadisge áššiid gieđahallan šaddá álkibun. Nuppi dáfus ovdamearkka dihte bargoveaga čoahkkima lágideapmi luonddus váccedettiin sáhttá veahkehit gávdnat čovdosiid ja gieđahallat áššiid rahpasit ja kreatiivvalaččat. Luonddus lea álkit maid vuodjut áššiide.
Luonddu leat gávnnahan nanosmahttit mielladearvvasvuođa lassin maiddái olbmo fysalaš dearvvasvuođa. Oanehisge olgodaddanboddu luonddus vuolida varradeattu ja váimmu ravkindávjodaga. Luonddus orrun ovddida maiddái váibmodearvvasvuođa sihke eastada buoidivuođa ja diabetes 2 sihke vejolaččat maid astma ja allergiijaid. Luonddus mii deaividit min dearvvasvuođa dáfus dehálaš mikrobaid, mat sáhttet nanosmahttit immunitehta.
Loga lasi das, mo luondu nanne dearvvasvuođa, Terveyskirjasto siidduin:
Luonnosta mielenterveyttä, kuntoa ja elämänlaatua - Terveyskirjasto
Iskka Mielenterveystalo Hyvinvointia luonnosta -iešdikšunprográmma dahje meahccemiellahárjehusaid:
Hyvinvointia luonnosta -iešdikšunprográmma: Tervetuloa Hyvinvointia luonnosta -ohjelmaan! | Mielenterveystalo.fi
Hárjehusat mielladearvvasvuođa ovddideami várás: 2. TYÖKALUJA | Mielenterveystalo.fi