Maid njálmmi dearvvasvuohta oaivvilda?
Maid njálmmi dearvvasvuohta oaivvilda?
Dearvvas njálbmi ja bánit leat buorrin olles gorudii, ja dat bajidit eallinkvalitehta. Eahpedearvvas njálbmi lea oktavuođas máŋggaide buohcuvuođaide. Njálmmi infekšuvnnat hehttejit maiddái máŋggaid guhkesáiggebuohcuvuođaid, earret eará diabetes ja leašmmi, divššu. Njálmmi infekšuvnnat lasihit maiddái váibmo- ja vuoiŋŋašinfárvtta riskka.
Buorre njálbmedikšui gullá bániid geallan iđđes ja eahkedis šleađgabátnegusttain ja fluorabátnegeallanávdnasiin. Bátnegaskkaid lea buorre buhtistit beaivválaččat bátneláiggiin dahje bátnegaskkaid buhtisteapmái oaivvilduvvon gusttain. Bániid geallama oktavuođas lea buorre buhtistit maiddái njuokčama. Ollesolbmuid ja badjel 6-jahkásaš mánáid fluorabátnegeallanávdnasa fluoradoalloávžžuhus lea 1 450 ppm. Bániid geallama maŋŋá badjelmearálaš bátnegeallanávnnas čolgaduvvo eret, iige njálmmi galgga šat doidit dan maŋŋá čáziin.
Jeavddalaš boradeamis lea stuorra mearkkašupmi njálmmi dearvvasvuođa dáfus. Beaivvis ii gánnet boradit eanet go sullii vihttii dahje guhttii, vai borramuša suddadeapmái laktáseaddji proseassat njálmmis eai beasa golahit bániid liiggás ja menddo dávjá. Maiddái buot eará juhkamušat, earret čáhci, johttáhit dáid proseassaid. Earenomážit suvrra borramušat ja juhkamušat golahit bániid.