Mo miela buresveadjima sáhttá ovddidit?

Miela buresveadjima sáhttá ovddidit máŋgga láhkai. Dá leat muhtin ovdamearkkat:

Oađđin, lihkadeapmi ja borramuš – goruda ja miela dearvvasvuođa vuođđu

Gorut ja miella doaibmaba lávgalagaid, nuba buorredili vuođđu leat dearvvaslaš eallindábit. Oađđin bajásdoallá miellalági, vuodjunnávcca ja streassatoleránssa. Go oađđá doarvái, veadjá buorebut ja maiddái dovdduid gieđahallan šaddá álkibun. Lihkadeapmiges bođđe miellabuorrehormonaid ja geahpeda streassa sihke lasiha buorredili. Máŋggabealat borramušas vuoigŋašat ožžot energiija, ja dat maiddái bajásdoallá buorre miellalági.

Sosiála gaskavuođat ja mearkkašahttivuohta – buorredili geađgejuolgi

Buorre olmmošgaskavuođat, searvvušlašvuohta ja eallima mearkkašahttivuohta ovddidit buorredili ja šaddadit sitkatvuođa. Olmmošgaskavuođat leatge okta dehálamos mielladearvvasvuođa oassi. Luohtehahtti ja movttiidahtti olbmuiguin verddestallan geahpeda streassa ja lasiha oadjebasvuođa. Go beassá juogadit iluid ja morrašiid, eallin šaddá álkibun. 

Dovdduid gieđahallan ja streassatoleránsa – miela sitkatluhttin

Buot dovddut, maiddái váigadis ja váivves dovddut, gullet eallimii. Lea dehálaš oahppat dovdát ja dohkkehit daid sihke gieđahallat daid rivttes láhkai. Streassa hálddašeapmái laktásit áiggi hálddašeapmi, dovdduid gieđahallan ja lotkkodanhárjehusat. Diđolašvuođadáiddut, vuoigŋanhárjehusat ja iešempatiija hárjehallan sáhttet geahpedit streassa ja áŧeštusa. Mielladearvvasvuođa bajásdoallamii gullá maiddái dáidu dáhttut veahki ja doarjaga. 

Gáldut: https://www.mielenterveystalo.fi/fi 

Veahkkin iešguđetlágan symptomaid gieđahallamii ja eallindilliide sihke mielladearvvasvuođa bajásdoallamii leat gávdnamis buohkaide rabas ja nuvttá bálvalusat, mat eai gáibit registrerema.

Vuollegis šielmmá anonymabálvalusaid fállet ee.:

Enjaksa.fi ja Normaali.fi  

Oađđin ja mielladearvvasvuohta   

Mieli rs - Suoma mielladearvvasvuođasearvi

Lihkadeapmi ja goruda guldaleapmi - MIELI rs 

Organisašuvnnaid fállan

Lappi buresveadjinguovllu bálvalusat

Iešdikšunprográmmat

Iešdikšun | Mielenterveystalo.fi 

Máinnasveahki videot du veahkkin