Mo movttáskit lihkadit?

Go áigu lihkadišgoahtit eanet dahje pláne man nu eará nuppástusa iežas eallimis, lea buorre vuos orustit smiehttat, mii lea iežas motivašuvnna dássi nuppástusa hárrái. Lihkadeapmi sáhttá šaddat bissovaš oassin eallimis, go dat heivehuvvo oktii olbmo eallindiliin ja árvvuiguin. Gii nu sáhttá háliidit sávrut ja nubbiges ovddidit iežas dearvvasvuođa dahje sihkkarastit, ahte nagoda ain ealáhatagis stoahkat mánáidmánáidisguin.

Jeara alddát čuovvovaš gažaldagaid go álggát lihkadit. Juos háliidat, sáhtát čállit vástádusaid báhpárii. Ná sáhtát geardduhit daid dárbbu mielde maŋŋá.

• Manin mun háliidan lihkadišgoahtit eanet?

• Mii mearkkašumiid lihkadeami lasiheamis lea munnje?

• Mo háliidan lihkadit? Háliidango álggahit man nu falástallanšlája vai válljengo ávkelihkadeami?

• Mo heivehan lihkadeami iežan áigetávvalii?

• Makkár eastagiid sáhtán deaividit ja mo birgen daidda?

• Geas oaččon doarjaga dán nuppástusa ollašuhttimis?

Vállje dakkár lihkadanvuogi, masa liikot. Muitte ahte buotlágan lihkadeapmi ruovttus ja ruovttu olggobealde – eai dušše falástallanšlájat – ovddida buresveadjima. Lihkadeami álggaheapmi dávjá mielddisbuktá maid hástalusaid. Juos lihkadanmovtta orru váigat bajásdoallat, muittut iežat das manin háliidit lasihišgoahtit lihkadeami ja mo dat ovddida buresveadjima.

Loga lasi lihkadanmovtta birra Terveyskyläs: 

Terveyskylä: Mo movttiidit lihkadit? 

Gávnna iežat miela miel lihkadanvuogi ruoktogielddastat:

Gielddaid fállan

Organisašuvnnaid fállan

Lappi buresveadjinguovllu bálvalusat

Iešdikšunprográmmat

Lihkadeami álggaheapmi -iešdikšunprográmma

Easkka álgán lihkadeaddji hárjehus (gáibida nana dovdáheami)