Mo sáhtán buoridit bargonávccaidan?
Mo sáhtán buoridit bargonávccaidan?
Máŋggain bargosajiin bargit sáhttet ieža muddet bargobeivviid ja barggu alcceseaset heivvolažžan. Juos bargoaddi addin rávvagat ja bargosaji njuolggadusat dahket dan vejolažžan, bargit sáhttet ovdamearkka dihte rievdadit áigegeavaheami ja bargguid prioriserenortnega. Barggu ja bargokultuvrra optimiserema birra gánneha hállat maiddái bargosajis, vai bargosearvvuš sáhttá ollašuhttit dárbbašlaš rievdadusaid. Juos fuomášat barggustat dahje bargosajistat juoidá, man rievdadeapmi sáhtáše buoridit bargodili, dahje juos váillahat barggustat ođđa hástalusaid, muital dan roahkkadit bargoservošis.
Máŋggain árgabeaieallima válljejumiiguin sáhttá buoridit iežas bargonávccaid. Muitte várret doarvái áiggi vuoiŋŋasteapmái ja áhpáiduvvamii. Lihkadeapmi, áiggeájit ja mearkkašahtti olmmošgaskavuođat veahkehit veadjit bargoeallimis. Dearvvaslaš borramuš ja jeavddalaš boradeapmi bajásdollet doaibmannávccaid sihke barggus ja astoáiggis.
Juos bargonávccat jávkagohtet, muital dan birra iežat hovdii. Hoavda sáhttá veahkehit du dušše dalle, juos son diehtá mii barggus golaha du fámuid. Maiddái dearvvasvuođafuolahusas oažžu veahki bargonávccaide laktáseaddji áššiin. Sáhtát dárbbu mielde váldit oktavuođa maiddái bargobáikki bargiidsuodjalansáttaolbmui.
Juos dus ii leat bargosadji ja dárbbašat veahki, sáhtát várret áiggi bargguhis olbmuid dearvvasvuođadárkkástussii.
Loga lasi:
Bargodearvvasvuođalágádus: Rávvagat barggu muddemii
Diakonia-ámmátallaskuvlla bargonávccaide laktáseaddji speallu: Muutos Hyvinvointibingo