Mu boradeapmi

Juohkehaččas lea iežaslágan oktavuohta borramuššii ja boradeapmái. Dat lea persovnnalaš ášši, masa dávjá laktásit maiddái máŋggalágan dovddut. Min vásáhusat ja duogáš sihke min daidda addin mearkkašumit mearridit, makkár boradeaddjin mii šaddat.

Dat, go olmmoš vállje gávppis ruovttueatnama buktagiid, borrá morrašis, oastá vuoládusbuktagiid, murje, herskostallá guimmiinis, guođđá káfestaladettiin bullá borakeahttá, boaibmula jorriid sisa šaddobuktaga bierggu sajis dahje dárkkista biebmoávnnaslogaldallama, muitala álo juoidá su oktavuođas borramuššii.

Árvvut, jáhkut ja eallindilli váikkuhit borramii. Daid guorahallan sáhttá čuvget olbmo borranhárjánumiid. Positiivvalašvuohta ja soddjilvuohta borramuša hárrái lea ovdun, juos olmmoš háliida rievdadit borranhárjánumiidis.

Makkár boradeaddji leat?

Dát gažaldagat veahkehit guorahallat dan, makkár boradeaddji leat.

• Makkár doaladumit mánnávuođa ruovttus ledje borramuša dáfus?
• Makkár dáhpáhusain dahje olbmuin lea guovddáš rolla du boradeami dáfus?
• Mo eallindili nuppástusat, dego mánnávuođa ruovttus eret fárren, earráneapmi, máná riegádeapmi, fárren, bargobáikki lonuheapmi, buohccán, ruhtadili nuppástusat jnav. leat hábmen dan, makkár boradeaddji leat?  
• Man anát dehálažžan borramušas ja boradeamis aiddo dál?
• Makkár váikkuhus borramušas lea du ollislaš buorredillái?
• Man vuođul válljet borramušbuktagiid gávppis?
• Masa liikot ja masa it?
• Makkár dovdduid boradeapmi ja borramuš bohciidahttet?

Loga lasi boradeami birra Sydänliitto ja Opinvoimala siidduin:

Sydänliitto: Tasapainoinen ruokasuhde -artihkal ja Suhteeni ruokaan ja syömiseen -teasta

Opinvoimala: Terve ruokasuhde -siiddut

Organisašuvnnaid fállan

Lappi buresveadjinguovllu bálvalusat

Iešdikšunprográmmat

Terveyttä edistävä ravinto (gáibida nana dovdáheami)