Narkotihkat ja eará gárrenávdnasat
Narkotihkat ja eará gárrenávdnasat
Narkotihkat leat gárrenávdnasat, maid geavaheapmi lea gildojuvvon Suomas lágas ja mat dagahit garra sorjjasvuođa. Narkotihkaide gullet earret eará kannabis, amfetamiidna, ekstása, heroiidna, kokaiidna, LSD ja nuppástusnarkotihkat. Narkotihkain leat iešguđetlágan váikkuhusat ja riskkat.
Narkotihkaid geavaheapmi sáhttá álgit ovttaskas iskamis, mii sáhttá jođánit šaddat vearrás sorjjasvuohtan. Go narkotihkaid geavaheapmi joatkašuvvá, toleránsa ja geavahanmearit lassánit. Eanáš narkotihkaide laktása geavahanmeari lassáneami geažil maiddái mirkkohusvárra.
Narkotihkat čuhcet sihke psyhkalaš ja fysalaš dearvvasvuhtii. Álggus dat sáhttet dagahit miellabuori, muhto maŋŋá geavaheaddji sáhttá vásihišgoahtit šlundivuođa, áŧeštusa, oađehisvuođa, seagisvuođa ja eará symptomaid. Narkotihkat čuhcet maiddái olbmo ruhtadillái, sosiálalaš gaskavuođaide ja ollislaš buorredillái, ja daid geavaheaddjit oassálastet dávjjit rihkuslaš doaimmaide.
Narkotihkaid lassin olmmoš sáhttá roahkkasit maiddái dálkasiid boasttogeavaheapmái, masa gullá ovdamearkka dihte bávččasdálkasiid geavaheapmi gárihuhttindárkkuhusas. Maiddái liimmaid, illugássa ja bensiinna havssašeapmi lea váralaš ja sáhttá vahágahttit vuoigŋašiid.
Narkotihkaid ja eará gárrenávdnasiid geavaheamis leat váralaš čuovvumušat, muhto veahkki lea oažžumis. Juos don dahje du lagaš dárbbašeahkki veahki, dan gánneha ohcat áiggil. Narkotihkkageavaheami, dálkasiid boasttogeavaheami ja havssašeami botkemii oažžu veahki Lappi buresveadjinguovllu sosiála- ja dearvvasvuođabálvalusain. Dan lassin gávdnojit iešguđetlágan veardásašjoavkkut, organisašuvnnaid doarjjabálvalusat sihke iešveahkkebálvalusat, main sáhttá oažžut veahki gárrenávnnasgeavaheami botkemii.
Leatgo fuolas narkotihkain dahje eará gárrenávdnasiin?
Sáhtát lohkat lasi narkotihkain ja eará gárrenávdnasiin sihke guorahallat iežat narkotihkkageavaheami dás:
Narkotihkaid geavaheami jearahallan (DUDIT) | Mielenterveystalo.fi
Doarjja narkotihkaid ja eará gárrenávdnasiid geavaheami botkemii
NA infotelefon narkotihkaid geavaheaddjiide
Irti huumeista rs telefonbálvalus narkotihkaid geavaheaddjiide ja sin lagažiidda
Lappi buresveadjinguovllu bálvalusat
Iešdikšunprográmmat