Njálbmi ja nikotiidnabuktagat
Njálbmi ja nikotiidnabuktagat
Duhpáhastin ja eará nikotiidnabuktagiid geavaheapmi lasihit sakka njálbmeborasdávdda sihke eará borasdávddaid riskka. Riska stuorru ain, juos olmmoš geavaha nikotiidnabuktagiid ja alkohola.
Duhpáhastin lasiha bániid laktagođusdávdda sihke bániid massima riskka. Duhpáhasti olbmo aldnavuolšši sáhttá leat váigat fuomášit, danin go alnnat eai leat vealttakeahttá seamma hearkki vardit, go dakkár olbmos guhte ii duhpáhastte. Snuvssa ja nikotiidnaguottát dagahit alnnaid geassáseami. Šleađgaduhpátges sáhttá dagahit bániid ráigáneami.