Ruhta- ja digispeallan
Ruhta- ja digispeallan
Ruhtaspeallamii gullet ovdamearkka dihte neahttapokera, šlántespealut, kasinospealut, lotto ja vuorbbit. Ruhtaspeallan lea Suomas gildojuvvon vuollel 18-jahkásaččain. Digispeallan oaivvilda neahtta- ja videospealuid speallama.
Ruhta- ja digispealuid sáhttá leat somá spealadit, muhto speallan sáhttá maiddái šaddat váttisvuohtan. Speallanváttisvuođa sáhttá dovdát earret eará das, ahte speallan váldigoahtá áiggi ja energiija eará áššiin. Speallan sáhttá ovdamearkka dihte heađuštišgoahtit oađđima dahje studerema ja bargguid.
Ruhta- dahje digispeallanváttisvuođa mearkkaide gullet maiddái váttisvuohta botket speallama, suoli speallan dahje speallama birra gielisteapmi sihke ruhta- ja digispeallamii laktáseaddji riiddut lagašolbmuiguin. Ruhta- dahje digispeallan sáhttet maid dagahit heahpada ja sivalašvuođa dovdduid, mat leat maiddái mearkkat speallanváttisvuođas. Ruhtaspeallanváttisvuohta čuohcá dávjá maiddái olbmo ruhtadillái. Beassan dihte speallat olmmoš sáhttá ovdamearkka dihte váldit loana lagašolbmuin dahje ruhtadanásahusain.
Juos don dahje du lagašolmmoš dárbbašeahkki veahki, dan gánneha ohcat áiggil. Speallanváttisvuhtii oažžu veahki Lappi buresveadjinguovllu sosiála- ja dearvvasvuođabálvalusain. Dan lassin gávdnojit iešguđetlágan veardásašjoavkkut, organisašuvnnaid doarjjabálvalusat sihke iešveahkkebálvalusat, main oažžu veahki speallama botkemii.
Fuolastuhttágo ruhtaspeallan? Sáhtát guorahallat iežat dahje nuppi ruhtaspeallama dás:
Leago ruhtaspeallan šaddan váttisvuohtan? | Peluuri
Leago videospeallan šaddan váttisvuohtan? | Peluuri
Iešveahkkereaiddut ja teasttat - Pelituki
Doarjja
Peluuri telefonbálvalus ja chat
Anonyma speallit veardásašdoarjja spealliide
Pelirajaton veardásašdoarjja spealliide
Lappi buresveadjinguovllu bálvalusat
Iešdikšunprográmmat