Neuroovdánanheađuštusat
Neuroovdánanheađuštusaide gullet ee. autismagirjáivuođa heađuštusat, ADHD ja Tourette syndroma. Hállangielas dáid gohčodit dávjá “neurogirjáivuohtan”. Neuropsykiátralaš hehttehusaid dahje “nepsyid” birra hállet earenomážit dalle, go lea sáhka autismagirjáivuođa heađuštusaid, ADHD, Tourette ja oahppan- ja earenomášváttisvuođaid birra.
Neuroovdánanheađuštusat galget dihttogoahtit mánás ovdal čihččet eallinjagi. Dat leat dovdámis diagnosii mihtilmas doaibmanvugiid ja láhttema vuođul, ja dat čuhcet ee. vuorrováikkuhusdáidduide, gielalaš ja ii-gielalaš kommunikašuvdnii ja dovdduid ja iežas doaimmaid muddemii. Hehttehusaid váikkuhusat láhttemii molsašuddet sihke olbmuid gaskkal ja maiddái seamma olbmos iešguđet ahke- ja ahtanuššanmuttuin.
Neuroovdánanheađuštusaide laktásit iešguđetlágan ja iešguđetdásat doaibmannávccaide laktáseaddji hástalusat, mat sáhttet čuohcat oahppamii, gielalaš ovdáneapmái, áiccuid muddemii ja motorihkkii.
Gáldu: Autismalihttu rs
