Jorgale dan viidáse siiddui

DigiLapha viidu – árgga doarjja ja bálvalusat ain lagabus

DigiLapha čohkke muttuid mielde oktii Lappi buresveadjinguovllu sosiála- ja dearvvasvuođabálvalusaid ja áššiiddikšuma doarju hálddahusbálvalusaid. Bálvalusa sáhttá geavahit mobiilaáppain dahje dihtoriin čujuhusas digilapha.fi.

Skábmamánu rájes sáhtát dikšut ain eanet áššiid digitálalaččat ovtta sajis

5.11.2025 rájes DigiLaphas sáhtát dikšut digitálalaččat ain eanet áššiid, mat gullet sosiálabálvalusaide. Bálvalusat sirdásit oahpes OmaVirtus DigiLaphai, mas áššiiddikšun lea oktilaččat ja čielgasut buresveadjinguovllu buot ássiide.

Sáddagat: divššo áššiid sosiálabálvalusaid ámmátolbmuin

Go čálihat sisa DigiLaphai nana dovdáheami bokte, sáhtát sáddet sqddagiid ja oažžut dutnje oaivvilduvvon bagadeami ja rávvema sosiálabálvalusaid ámmátolbmos. Sáddagat-bálvalusain sáhtát áššiiddikšut čuovvovaš sosiálabálvalusain:

• Lápmásiidbálvalusa rávven ja áššiiddikšun Bagadeapmi ja rávven, mii gullá lámisvuođa vuođul lágiduvvon bálvalusaide ja doarjjadoaimmaide.
• Mánnábearrašiid ja mánáidsuodjalusa rávven ja áššiiddikšun Dieđut sosiálabálvalusaid birra ja maiddái doarjja iešguđet eallindiliin.
• Mánnábearrašiid ruoktobálvalusa rávven ja áššiiddikšun Veahkki bálvalusa ohcamii, dieđut doarjaga birra ja rávven árgadili veahki ollái.
• Bearašrávvehaga rávven ja áššiiddikšun Doarjja vánhenvuođa ja bearašeallima hástalusaide.
• Bearašvuoigatvuođalaš bálvalusat Áššiiddikšun ealihan-, fuolahus- ja deaivvadanáššiid oktavuođas, vánhenvuođa čielggadeamis, adopšuvdnarávvemis ja bearašáššiid soabadeamis.
• Bargoahkásaččaid rávven ja áššiiddikšun Doarjja árgadilis ceavzimii ja maiddái bagadeapmi bálvalusaide ja ovdduide.
• Dievasmahtti ja eastadeaddji áigáiboahtindoarjja Rávven dievasmahtti ja eastadeaddji áigáiboahtindoarjagii. Ohcan gáibida Kela mearrádusa vuođđoáigáiboahtindoarjagis.

Du sáddagii ámmátolmmoš vástida dábálaččat 7 árgabeaivvi siste. Dárbbu mielde ámmátolmmoš sáhttá várret dutnje gáiddusdeaivvadeami.

Ohppiidfuolahusas sáhtát oažžut sáddagiid skuvlakuráhtoris ja -psykologas – diehtodorvvolaččat ja njuolga.

Don sáhtát áššiiddikšut maiddái iežat vuollel 12-jahkásaš máná beales dahje dakkár rávesolbmo beales, gii lea addán dutnje Suomi.fi-fápmudusa. Nuppi beales áššiiddikšun gávdno DigiLapha váldofálus.

Chat: johtilis ja álkkes ášiiddikšun

Roavvenjárggas sáhtát áššiiddikšut bargoahkásaččaid bálvalusaid chatas, go leat iežat dovdáhan DigiLaphai. Oaččut persovnnalaš bagadeami sosiálabálvalusaid ja ovdduid birra. Jus háliidat, don sáhtát geavahit chata anonymalaččat Lappi buresveadjinguovllu neahttasiidduin.

Lassin Buohccedivššár-chat viidu ođđa báikegottiidde Anárii, Eanodahkii, Gihttelii ja Muonái.

Oktavuođaváldinskovvi dearvvasvuođadáluide gávdno ovtta ja seamma sajis – davvisámegielat oktavuođaváldinskovit geavahussii

DigiLapha oktavuođaváldinskovvi boahtá ovdal geavahuvvon OmaVirtu-skovi sadjái. Dan veahkil sáhtát váldit hoahpuhis áššiin oktavuođa iežat dearvvasvuođadállui.

Skábmamánus atnuiváldojuvvojit vuosttaš davvisámegielat oktavuođaváldinskovit Eanodaga, Anára ja Ohcejoga dearvvasvuođadáluin.

Ohcejogas atnuiváldojuvvo ođđa oktavuođaváldinvuohkin maiddái suomagielat hoahpuhis oktavuođaváldinskovvi.

Skovit: divššo maiddái áššehasmávssuid ja eará hálddahuslaš áššiid digitálalaččat

Sáhtát dikšut čuovvovaš áššiid DigiLaphas skovit-bálvalusas:

• ohcat áššehasmávssu vuolideami dahje bearatkeahttá guođđima
• dahkat rehkega vuigenbivdaga
• sáddet dutkanlohpeohcamuša dahje dutkanalmmuhusa

Gáiddusvuostáválddáhat: mielladearvvasvuođa- ja sorjjasvuođabálvalusat

Mielladearvvasvuođa- ja sorjjasvuođabálvalusaid digibálvalusat viidot DigiLaphas olles buresveadjinguvlui, earret Keminmaa, Posio ja Tervola.

DigiLapha mielladearvvasvuođa- ja sorjjasvuođabálvalusaide gullet:

• Rávesolbmuid mielladearvvasvuođabálvalusaid gáiddusvuostáváldimat ja sáddagat.
• Mánáid ja nuoraid mielladearvvasvuođa- ja sorjjasvuođabálvalusaid gáiddusvuostáváldimat ja gažadeamit.

DigiLapha bálvalusaid ollái beasat. go ámmátolmmoš árvvoštallá divššu dárbbu ja aktivere dutnje gáiddusvuostáváldima dahje gažadeami DigiLaphas. Lassin rávesolbmuid mielladearvvasvuođa- ja sorjjasvuoäabálvalusain sáhtát sáddet ja oažžut sáddagiid Sáddagat-bálvalusain. Gáiddusvuostáváldimiid ovddas berrojuvvo máksu Lappi buresveadjinguovllu áššehasmávssuid mielde.

Vuollel 12-jahkásaččaid oktavuođaváldimat dahkkojit nuppi beales áššiiddikšuma bokte. Lea dehálaš, ahte fuolaheaddjin don čálihat sisa vuos ieš ja de lasihat su, gean fuolaheaddji leat – dánu ámmátolmmoš sáhttá dárbbu mielde sáddet sáddagiid dahje gažademiid, mat gusket du máná áššiid.

Geahča & geavahišgoađe DigiLapha

Geahča oanehis oahpásmuhttinvideo ja oahpa geavahit áppa álkidit liŋka YouTubei.  

Digidoarjaga rávvagiid ja almmolaš cavgilemiid gávnnat čujuhusas: liŋka.

Digibálgá mielde gávnnat veahkeheaddji olbmo lusa.
 

Jorgale dan viidáse siiddui

Digitála oktavuođaváldin dearvvasvuođabálvalusaide guovdduštuvvo DigiLaphai

Dearvvasvuođadáluid oktavuođaváldinvuogit nuppástuvvet golggotmánu álggus.

Hoahpuhis oktavuođaváldima skovvi sirdása DigiLapha-áššiiddikšunbálvalussii 8.10.2025 rájes Eanodagas ja Muonás. OmaVirtu-oktavuođaváldin heaittihuvvo bearjadaga 3.10.2025.

Oktavuođaváldinvuogit dearvvasvuođadállui

8.10. rájes sáhtát váldit oktavuođa iežat dearvvasvuođadállui čuovvovaččat:

• Hoahpuhis áššiin sáhtát váldit oktavuođa dainna lágiin ahte geavahat oktavuođaváldinskovi DigiLapha-áššiiddikšunbálvalusas juogo applikašuvnnas dahje čujuhusas digilapha.fi

Sáhtát váldit oktavuođa dearvvasvuođadállui ovdamearkka dihte dalle, go dus lea ii-hohpolaš dávdamearka dahje váivi, don dárbbašat joatkkakontrolla dikšunplána mielde dahje du ášši guoská guhkesáigge buozalmasa. Sáhtát maiddái bivdit reseaptta ođasmahttima, jos ođasmahttin ii lihkostuva MuKanta bokte.

• Gávnnat iežat dearvvasvuođadálu oktavuođaváldinskovi DigiLaphas Skovit-oasis. · Riŋget telefonbálvalussii dearvvasvuođadálu rabasáiggiin.

Jus dearvvasvuođadállu lea gitta ja gažaldat lea fáhkka dearvvasvuođačuolmmas, riŋge Gohcinveahkkái 116 117.

Heahtelidilis galgá álo riŋget 112.

Oktavuođaváldin mánáidrávvehaga dearvvasvuođadivššarii nuppástuvvá buresveadjinguovllu muhtin guovlluin

Maiddái rávvehagaid oktavuođaváldinvuogit ovttastahttojuvvojit. Gaskavahku 8.10. rájes sáhtát váldit oktavuođa mánáidrávvehaga dearvvasvuođadivššarii dainna lágiin ahte sáddet sáddaga DigiLapha-áššiiddikšunbálvalusas Sáddagat-doaimma bokte.

Dán nuppástusa mielde Durdnosa eastadan-. etniid- ja mánáidrávvehahkii ii sáhte OmaVirtus váldit oktavuođa bearjadaga 3.10.2025 rájes, ja sadjái rahppojuvvo oktavuođaváldinsátta DigiLaphas. Seamma oktavuođas Durdnosa rávvehat-chat sirdása mánáidrávvehaga sáttan DigiLaphai.

Fuom! DigiLapha váldo atnui muttuid mielde olles Lappi buresveadjinguovllus. Rávvehahkii váldo oktavuohta Keminmaas, Posios ja Tervolas doaisttážii seamma vugiin go ovdalge.

DigiLapha čohkke oktii bálvalusaid

DigiLapha lea Lappi buresveadjinguovllu digitála áššiiddikšunbálvalus, mii čohkke muttuid mielde oktii sosiála- ja dearvvasvuođafuolahusa digibálvalusaid ja áššiiddikšuma doarju hálddahusbálvalusaid. Bálvalusa sáhttá geavahit sihke mobiilaapplikašuvdnan ja dihtoriin čujuhusas digilapha.fi. 

Jorgale dan viidáse siiddui

DigiLapha viidu – ođđa sosiála- ja dearvvasvuođabálvalusat rahpasit čakčamánus

DigiLapha čohkke muttuid mielde oktii Lappi buresveadjinguovllu sosiála- ja dearvvasvuođabálvalusaid sihke áššiid dikšuma veahkkin oaivvilduvvon hálddahusbálvalusaid.

DigiLapha sáhttá geavahit mobiilaapplikašuvnna bokte sihke dihtoriin čujuhusas digilapha.fi

DigiLapha ođđa bálvalusat váldojit atnui gaskavahku 3.9.2025.

Beaivádus dearvvasvuođabálvalusaide: dearvvasvuođaguovddážiid hoahpuhis oktavuođaváldinskovvi ja gáiddusdoaktára vuostáiválddáhat

Dearvvasvuođabálvalusaid hoahpuhis oktavuođaváldinskovi geavahanguovlu viidu. Čakčamánu rájes oktavuođaváldinskovit leat geavaheamis Anáris, Giemajávrris, Gihttelis, Pelkosenniemis, Pellos, Sallas, Suovvaguoikkas, Simos ja Soađegilis.

Dát skovvi boahtá ovddeš Klinik dahje OmaVirtu-skoviid sadjái, ja dan bokte lea vejolaš váldit oktavuođa hoahpuhis áššiin iežas dearvvasvuođaguovddážii.

Čakčamánu rájes roavvenjárgalaččat sáhttet dikšut áššiid DigiLaphas Rinteenkulma dearvvasvuođaguovddáža gáiddusdoaktára vuostáiválddáhagas, go ámmátolmmoš lea vuos meroštallan ášši hoahpuheapmen, iige váttu leat dárbu dutkat báikki alde.

Sosiálabálvalusat gávdnojit dál maiddái DigiLaphas

Čakčamánu rájes DigiLaphas rahpasit vuosttaš sosiálafuolahusa digitála bálvalusat olles buresveadjinguovllus. Oassi bálvalusain sirdása DigiLaphai OmaVirtu-bálvalusas.

3.9.2025 rájes DigiLapha bokte sáhttá sáddet sáddagiid sihke oažžut bagadusa ja rávvagiid:

• Ruhta- ja vealgeáššiid čielggadeapmái oaivvilduvvon bálvalusas.
• Iežas dahje lagaža boarásmuvvamii, árgabeaieallimii ja doaibmannávccaide laktáseaddji áššiid áššehas- ja bálvalusbagadusas.

Ovdalis máinnašuvvon bálvalusain sáhtát oassálastit maiddái gáiddusdeaivvadeapmái, man ámmátolmmoš sáhttá várret dutnje.

DigiLapha fállá ođđa vuogi dikšut áššiid digitálalaččat

DigiLapha viidu mánnosaččat, ja bálvalusat váldojit atnui muttuid mielde olles buresveadjinguovllus jagis 2025. Maiddái sámegielat bálvalusat sirdásit DigiLaphai čavčča áigge.

DigiLapha fállá ođđa vuogi dikšut áššiid digitálalaččat, ja dat šaddá boahttevuođas vuosttašvurrosaš vuohkin digitála bálvalusaid geavaheamis. Oktavuođa váldin sosiála- ja dearvvasvuođafuolahusa ámmátolbmuide šaddá álkibun, ja dat lea vejolaš goas ja gos beare.

Oahpásmuva DigiLaphai

Geahča oanehaš video, vai oahpat geavahit bálvalusa.

Digibálgá mielde gávnnat ámmátolbmo lusa.