Lappi digiNepsy

Lappi digiNepsy lea Lappi buresveadjinguvlui buvttaduvvon digitála bálvalusaid ollisvuohta ja materiálavuorká, man ulbmilin lea fállat doarjaga neuroovdánanheađuštusaiguin birgemii. Dát neahttasiidu fállá vuollegis šielmmá doarjaga Lappi guovllu olbmuide, ja maiddái ámmátolbmot sáhttet ávkkástallat dan iežaset barggus.

Sáhtát čuovvut Lappi digiNepsy maiddái Instagrammas ja Facebookas!

Lappi digiNepsy-klinihka historjá

Ovddeš Kolpene doarjja- ja máhttinguovddáš spesialiserii autismačehppodahkii ja neurogirjáivuođa doarjumii golbmalogi jagi. Guovddáš lea leamašan mielde máŋggain prošeavttain, ja dat lea skuvlejumiid ja veajuiduhttinbagadeami bokte ovddidan ja buktán lasi eanagotti dárbbuide vástideaddji bálvalusaid.
Lappi guovllus, gos gaskkat leat guhkit, Davvi-Suoma sosiálasuorggi máhttinguovddáš lea leamašan bálggesčuollin elektrovnnalaš sosiála- ja dearvvasvuođabálvalusaid ovddideamis. Lappi digiNepsy-klinihkka, mii álggahuvvui prošeaktan ESR-ruhtadusain jagiid 2019–2021, fállá doarjaga neurogirjás olbmuide ja ámmátolbmuide gáiddusbálvalusaid, dego gáiddusvuostáiválddáhagaid, gáiddusjoavkkuid ja Nepsy-chat, bokte. 

Fitnu ulbmilin lei:

• Buoridit neuropsykiátralaš spesiálačehppodaga olahahttivuođa
• Fállat vuollegis šielmmá bálvalusaid ja geavatlaš rávvagiid stuorra olmmošjovkui
• Ovddidit gáiddusbagadeami, -vuostáiváldindoaimmaid ja -konsultašuvnna

Buncaraggát

Digitála bálvalusat addet máŋggaid vejolašvuođaid, dego oasálašvuođa lasiheami boaittobealguovlluin earenomážit lihkadaneasttalaš dahje sosiálalaččat árgges olbmuide. Digitalisašuvdna sáhttá liikká maiddái olgguštahttit oasi álbmogis, danin go buohkat eai máhte geavahit digibálvalusaid dahje sis eai leat dárbbašlaš rusttegat dahje dovddaldagat. Lea dehálaš dovdát ovddidanbarggu vejolaš hástalusaid, dego bálvalusaid moalkáivuođa, digigiela ja organisašuvdnaguovdilastima, mat sáhttet fuonidit bálvalusaid olahahttivuođa. Earenomážit gielalaš hástalusat sáhttet dagahit olgguštuvvama (Leskelä 2019: Selkokieli – Saavutettavan kielen opas).
Koronapandemiija deaivvai dan áigodahkii, goas Lappi digiNepsy-klinihka ledje vuođđudeamen ja go olles Suomas ledje váldimin stuorra digilávkki. Ovddidanbarggus lea álo hástalussan joatkit doaimmaid dan maŋŋá, go prošeakta nohká, iige dat lean sihkkar Lappi digiNepsy-klinihka buohtage. Sitkadis váikkuheami bokte klinihkka lea liikká ožžon ruđalaš doarjaga doaimmaidasas.

Lappi digiNepsy-klinihkka neuropsykiátralaš bálvalusaid ja VASA2-prošeavtta ruovttobiedjun

Lappi digiNepsy-klinihka neahttasiiddut ja bálvalusaid ovddidanbargu leat ožžon joatkaga VASA2-prošeavttas (2023–2025), mas leat ráhkadišgoahtán suoma- ja sámegielat neuropsykiátralaš bálvalusbálgá. VASA2-prošeavttas neahttasiidduide leat buvttadan ođđa materiálaid, dego dieđuid neuroovdánanheađuštusain ja vásáhusáššedovdiid videoid sihke ráhkadan iežas siidduid ámmátolbmuide ja áššehasaid vuollegis šielmmá doarjagii. Dan lassin suoma- ja sámegielat bálvalusbálggis lea biddjon álkit gávdnamassii.

Lappi digiNepsy-klinihka siidduin leat fitnan logiid duháhiid geardde. Dás duohko neahttasiiddu namma lea Lappi digiNepsy.