Lappi digiNepsy-klinihka bálvalusat

Lappi DigiNepsy-klinihkka fállá gáidduskonsultašuvnna Lappi buresveadjinguovllu bargiide, áššehasaide ja sin doarjjafierpmádagaide.

Bálvalusaide gullet:

• Gáidduskonsultašuvdna ja oktasašvuostáiválddáhagat
• Nepsy-chat (anonyma)
• Materiálabáŋku áššehasaide ja ámmátolbmuide

 
Konsultašuvnna sáhttá dáhttut ovdamearkka dihte autismagirjáivuhtii laktáseaddji gažaldagain, hástaleaddji láhttema guorahallamii ja hálddašeapmái sihke neuropsykiátralaš skuvlejumi plánemii. Ulbmilin lea fállat beaktilis ja čoavddusgeahččevaš doarjaga áššehasa árgabeaieallima čuolmmaide.

Áššehasa dikšui ja veajuiduhttimii oassálasti bargit sáhttet bovdet nepsy-áššedovdi oktasašvuostáiválddáhahkii gáiddusoktavuođain, ovdamearkka dihte plánet áššehasa veajuiduhttima. Maiddái anonyma konsultašuvdna lea fidnemis Nepsy-chattas (duorastagaid 15–17). Jeara dárbbu mielde vejolašvuođa oažžut sámegielat ja kulturmieldásaš veahki ja doarjaga. Dáid lassin Nepsy Tuki Lappi -fidnu (https://lapha.fi/tietoameista/nepsytuki-lappi-netu-hanke) ja DigiLapha ráhkadit ođđa kanálaid, maid bokte ámmátolbmot sáhttet oažžut konsultašuvnna.

Lappi diginepsy -klinihkka lea ráhkadan Moodle-oahppanbirrasa neuropsykiátralaš hárjeheaddji ja -bagadeaddji -skuvlejupmái, ja dat lágida jeavddalaččat maiddái riikaviidosaš rávvagiid mieldásaš nepsy-hárjeheaddjiskuvlejumiid. Nepsy Tuki Lappi (NeTu) -fidnu (2025–2026) lea čohkkemin oktii Lappi nepsy-čehpiid, ja dán barggu ulbmilin lea lasihit neuropsykiátralaš čehppodaga olahahttivuođa iešguđet báikkiin Lappi guovllus.
 

Oktavuohtaolmmoš:
Maila Haltia
Veajuiduhttinplánejeaddji
0407071561
maila.haltia@lapha.fi