Fysiatriija ja fysioterapiija

Fysiatriija spesiálabuohccedivššu ja fysioterapiija bálvalusain dikšut duvdda- ja lihkadanorgánasymptomat buohcciid.

Fysiatriija poliklinihkka

poliklinihkas dutkat ja dikšut erenoamážit duvdda- ja lihkadanorgánasymptomat olbmuid. Tiippalaš symptomat leat čielggi, niski-hárdobirrasa ja julggiid ja gieđaid bákčasat ja čerggiideamit. Poliklinihkas doavttir ja fysioterapevta ráhkadeaba ovttas buohcciin dutkamušaide vuođđuduvvi doaibmannávccaid máhcaheaddji dikšun- ja veajuiduhttinplána. Mihttomearrin lea buohcci doaibmannávccaid sihke dearvvasvuođa ovddideapmi ja bajásdoallan.

Fysioterapiija

Fysioterapiija ollašuhtto buohcceviesu poliklinihkain ja seaŋgaossodagain váldoáššálaččat oktagasterapiijan. Mihttomearrin lea ovddidit ja ja bajásdoallat buohcci lihkadan- ja doaibmannávccaid sihke dearvvasvuođa fysioterapiija vugiiguin. Fysioterapevttas lea áššedovdamuš sierra ahkejoavkkuid veajuiduhttimis ja son doaibmá ovttasbarggus sierra ámmátjoavkkuiguin.

Mii doarjut buohcci veajuiduvvama bagadallamiin ja rávvemiin iežas aktiivvalašvuhtii. Mii lágidit dárbbu mielde joatkkadivššu ja árvvoštallat veahkkeneavvodárbbuid.

Bargga ná

Fysiatriija spesiálabuohccedikšui dárbbašat doaktáris čujuheami, man fidnet dearvvasvuođaguovddážis, priváhtta dearvvasvuođadálus dahje iežat bargodearvvasvuođadoaktáris. Áššehasat láidejuvvojit fysioterapiijii guovddášbuohcceviesu sierra poliklinihkain ja seaŋgaossodagain.