Goas mun galggan mannat gohcimii?

Fáhkkes dohppehallamiin ja heahtediliin riŋge 112.

Hohpolaš divššu gáibideaddji buohcuvuođain gánneha vuosttamužžan váldit oktavuođa iežat dearvvasvuođadállui telefovnnain dalán iđđedis, go áiggivárren rahppojuvvo.

Gohcimis dikšot birra jándora dakkár buohcciid, geaid buohcuvuođa dahje váttu divššu ii sáhte sirdit maŋŋelii almmá dávdamearkkaid vearráneami dahje váttu vádduma haga.

Dákkár dávdamearkkat leat ovdamearkka dihte

• gierddameahttun fáhkkes bávččas
• bárti, eahpiduvvon doddjun dahje olu vardi hávvi
• dulkomis váimmus vuolgán  raddebávččas
• fáhkkes lahppaseapmi
• fáhkkes gáldnanovddas: fáhkkes hállanhehttehus, njálbmečiega heaŋgán ja/dahje nuppi beali dehkiid fámohisvuohta
• fáhkkes garra oaivejorggis
• fáhkkes garra dahje vearráneaddji čoavjebávččas
• akuhta mielladearvvasvuođačuolbma, hallusinašuvnnat, iešsoardálašvuohta
• garra allergalaš reakšuvdna

Mii mielde?

Lea dehálaš, ahte válddát fárrui áigedását dálkkaslisttu ja/dahje dálkkasreseapttaid, go gohcimis ii vealttakeahttá leat diehtu du vuođđobuohcuvuođaid ja daid dálkkodemiid birra.

Mielde gánneha váldit maiddái gierdavašvuođa, go gohcimis galgá dávjá vuordit doaktára lusa beassama. Dikšu addojuvvo álot hohpolašvuođaortnegis, ii almmuhanortnegis.

Juos it ieš nagot čilget gohcimii boahtima siva ja buohccáma ovdalaš dáhpáhusaid, mielde lea buorre leat okta mieđušteaddji.