Iežasgoziheapmi
Sosiála- ja dearvvašvuođafuolahusa goziheapmi
Iežasgoziheapmi oaivvilda daid vugiid ja doaimmaid, maiguin bálvaluslágideaddji ja bálvalusbuvttadeaddji bearráigeahččaba, čuovvuba ja árvvoštallaba iežaska doaimma. Iežasgozihemiin sihkkarastit áššehasaid ovttaveardásašvuođa sihke bálvalusaid oažžuma, joatkevašvuođa, dorvvolašvuođa ja kvalitehta. Iežasgozihemiin sihkkarastit, ahte doaibma ollašuhttojuvvo lágalaččat ja soahpamušat čuvvojuvvojit. Lassin dasa gullá áicat riskadiliid ja seahkánit hehttehusaide. Juohke doaibmis, guhte buvttada bálvalusaid Lappi buresveadjinguovllus, lea ovddasvástádus fuolahit das, ahte áššehasa ja pasieantta vuoigatvuođat ollašuvvet.
Sosiála- ja dearvvasvuođafuolahusa goziheami oppalaš bagadallan gullá sosiála- ja dearvvašvuođaministeriijai. Lágalašvuođagozihaneiseváldin doibmet Valvira ja guovlluhálddašandoaimmahagat.
Lappi buresveadjinguovllu goziheami vástoovttadat gullá buresveadjinguovllu hálddašan- ja doarjjabálvalusaid doaibmasuorgái, goziheapmi ja ovddaldastin -vástosuorgái. Goziheami vástoovttadat bearráigeahččá sosiála- ja dearvvašvuođafuolahusa lágidandoaimma ja bálvalusbuvttadeami (almmolaš ja priváhta).
Iežasgoziheapmi
Lappi buresveadjinguovllu sosiála- ja dearvvasvuođabálvalusaid iežasgozihanprográmma sisttisdoallá buresveadjinguvlui gullevaš sosiála- já dearvvasvuođafuolahusa bálvalusaid iežasgoziheami prinsihpat.
Iežasgozihanprográmmaiguin sihkkarastit, ahte Lappi buresveadjinguovllu ássit ožžot vuođđovuoigatvuođaid sidjiide dorvvastan, sin dárbbuid mieldásaš bálvalusaid rivttes áiggi, ovttaveardásaččat ja juvssahahtti láhkái, alla dásis ja dorvvolaččat, Iežasgozihanprográmma konkretisere lágas ásahuvvon geatnegasvuođaid ja ovttaiduhttá goziheami geavatlaš ollašuhttima nu, ahte váikkuheaddji goziheapmi ollašuhtto áššehasaid ja buohcciid buorrin.
Tiina Puotiniemi
gozihanhoavda
Goziheapmi ja ovddaldastin
Yhteystiedot
Tiina Puotiniemi
gozihanhoavda
Goziheapmi ja ovddaldastin
Yhteystiedot