Intensiivadikšu
Mii dikšut intensiivaossodagas buohcciid, geain lea dábálaččat fáhkkes heakka dahje dearvvasvuođa áiti buohcuvuohta dahje váddu. Intensiivadikšu dárbbašuvvo, go guovddáš eallindoaimmat dego vuoigŋan dahje varrajohtu leat hehttejuvvon duođalaččat. Sivvan sáhttá leat ovdamearkka dihte vuoigŋan- dahje varrajohtováili, váttis infekšuvdna, dáhpedorbmi dahje bárti.
Intensiivadikšu lea kritihkalaččat buohcci buohcci eallindoaimmaid oktilis gohcin, bajásdoallan ja doarjun. Buohcci dikšu gáibida máŋgii eallindoaimmaid bajásdoalli dálkasiid ja rusttegiid geavaheami.
Guovddášbuohcceviesu intensiivaossodagas mii dikšut dábálamosat fáhkkestaga buohccán buohcci. Go mii lihkostuvvat dikšut eret buohcci eallindoaimmaid fáhkkes hehttehusa dahje dan áitaga, buohcci sirdojuvvo joatkkadikšui seaŋgaossodahkii.
Mii dikšut intensiivaossodagas maiddái buohcciid, geat dárbbašit buohcuvuođa dahje váttu čuovvumuššan oktilis dárkuma ja divššu. Intensiivagoziheapmi viggá dasa, ahte sáhttit fuobmát vearráneaddji eallindoaimmaid hehttehusaid áiggil ja nu eastit dili šaddamis heajubun.
Intensiivadivššu dárbbašeaddji buohcci buktojuvvo guovddášbuohcceviesu intensiivaossodahkii dábálaččat gohcimis, muhto maid čuohpadansáles dahje seaŋgaossodagas.
Gohcináiggi intensiivaossodat addá dárbbu mielde čuohpadusbuohcciide morihangoziheami ja -divššu.
Intensiivaossodat vástida guovddášbuohcceviesu jiellun- ja MET-doaimmain (Medical Emergency Team).
Länsi-Pohja guovddášbuohcceviesu intensiivaossodat
Buohcci oapmahaččat sáhttet jearadit intensiivadivššus leahkki buohcci veaju riŋgemiin intensiivaossodahkii.
Mii sávvat, ahte buohccis lea nammaduvvon okta oktavuođaolmmoš, gii dikšu oktavuođadoallama intensiivaossodahkii. Mii addit dieđuid buohcci birra dušše lagaš oapmahaččaide. Earáide mii addit dieđuid dušše buohcci lobiin.
Mii sávvat, ahte garvibehtet oktavuođaváldimiid dii 7.00-9.00, dii 13.00-15.00 ja dii 21.00-22.00 bargovuoruid molsumiid ja raporterema dihte.
Telefovdna
-
Divššárkansliija
-
Ossodatčálli
Lappi guovddášbuohcceviesu intensiivaossodat
Buohcci oapmahaččat sáhttet jearadit intensiivadivššus leahkki buohcci veaju riŋgemiin intensiivaossodahkii.
Mii sávvat, ahte buohccis lea nammaduvvon okta oktavuođaolmmoš, gii dikšu oktavuođadoallama intensiivaossodahkii. Buohccái guoskevaš gažaldagaide vástida su iežas divššár. Ságastallama sáhttá ovttastahttit maiddái du lagamužžii, juos veadju diktá.
Mii sávvat, ahte garvibehtet oktavuođaváldimiid dii 6.30-8.00, dii 13.00-15.00 ja dii 20.00-21.30 bargovuoruid molsumiid ja raporterema dihte.
Telefovdna
-
Telefonnummir oapmahaččaide
-
Doaimmahat
Länsi-Pohja guovddášbuohcceviesu intensiivaossodat
Intensiivaossodat lea guovddášbuohcceviesu 2. gearddis čuohpadanossodaga ja sisdávddaid poliklinihka gaskkas.
Mii sávvat, ahte:
- don soabat galledeamis buohcci iežas divššáriin
- galledeamit bistet 10-15 minuhta
- galledeaddjit leat 1-2 hávil
- it gallet ossodagas, juos dus lea nuorvu, gosahat, feber dahje infekšuvnnat
- it buvtte unna mánáid galledit
- it buvtte iežat lagamužžii borramuša, juhkamuša dahje rásiid
Riŋge álot intensiivaossodaga uksabielu, go boađát galledit ja vuordde, ahte du bohtet váldit vuostá. Divššár doalvu du iežat lagamučča lusa. Gieđaid bassan ja desinfiseren leat dehálaččat, go boađát ja vuolggát ossodagat. Mátketelefovnna geavaheapmi intensiivaossodagas lea gildojuvvon.
Go buohcceviesu váldouksa lea gitta, sáhtát geavahit akuhttaklinihka uvssa.
Čujuhus
Dábálaš rabasáiggit
Intensiivaossodaga galledanáiggit
-
Monday - Sunday
14:00 - 19:00
Lappi guovddášbuohcceviesu intensiivaossodat
Intensiivaossodat lea guovddášbuohcceviesu 1. gearddis. Váldouksagearddi feaskkerhissaiguin beasat vulos 1. geardái, gos gávnnat oahpistanmearkkaid intensiivaossodahkii.
Mii sávvat, ahte dušše buohcci lagašoapmahaččat/lagamuččat galledit su luhtte. Galledeapmi sáhttá bistit 10–15 minuhta hávil.
Mii sáhttit váldit buohcci lusa 1-2 galledeaddji hávil. Juos galledeaddjit leat eambbo, galgá dahkat molsumiid. Galledanáiggiid olggobealálaš galledemiin galgá soahpat bargiiguin. Mii eat ávžžut unna mánáid galledit dikšunbirrasa dihte, muhto dat leat lobálaččat dalle go oapmahaččat nu háliidit. Mánáid galledemiin lea buorre soahpat ovddalgihtii buohcci iežas divššáriin.
Čujuhus
Ounasrinteentie
22
96400
ROVANIEMI
Dábálaš rabasáiggit
Galledanáigi
-
Monday - Sunday
15:00 - 18:00
Spesiálabuohccedivššu bálvalusat leat máksin láhkái. Earret eará dikšunbeaivemáksu lea 71,50 euro.
