Liikedávddat

Guovddášbuohcceviesuin fuolahuvvo liikebuohcuvuođaid eastadeamis, veajuiduhttimis, dutkamušas ja buohcci iežasdikšuma bagadallamis.

Mii dutkat ja dikšut:

• ihtalumiid
• liikešattalmasaid
• durváid
• váddásit dikšunláhkái háviid
• akne ja
• allergiijaid.

Mii dahkat:

• liikedávdadutkamušaid
• allergiijaiskosiid ja hearkudemiid
• galmmihandivššuid
• liikečájánasbihtáid váldima
• uddodivššuid
• šleađganállogieluhemiid

Mii dahkat beaivekirurgalaš čuohpadusdoaibmabidjun earret eará luomaid ja liikenuppástusaid eretčuohpademiid ja liikesirdimiid.

Mii addit:

• čuovgadivššuid
• fotodynámalaš terapiija ja beaivečuovgadivššu
• báikkálašdivššuid
• suoksadivššuid kronalaš háviide.

Mii luoikat dikšunbiergasiid maid ruovttugeavahussii.

Mii addit buohcciide rávvema maid video bokte dahje šleađgapoasttain, juos buohccis lea guhkes mátki guovddášbuohccevissui.

Bargga ná

Dárbbašat doaktára čujuheami liikedávddaid bálvalusaide. Dearvvasvuođaguovddážis, bargodearvvasvuođafuolahusas dahje priváhtta dearvvasvuođadálus du dutkan doavttir sádde čujuheami guovddášbuohccevissui. Dan maŋŋá guovddášbuohcceviesu poliklinihkka sádde dutnje áiggivárrenbovdehusa dutkamuššii, vuostáváldimii dahje doaibmabidjui.