Ohjeet etävastaanotolle ja -tapaamiselle OmaVirtussa
Ohjeet etävastaanotolle ja -tapaamiselle OmaVirtussa
Mii ollašuhttit sosiála- ja dearvvašvuođabálvalusaid maiddái neahtas gáiddusoktavuođain.
Dán rávvagis mii muitalit mo don sáhtát searvat ámmátolbmuin, gáiddusdeaivvadeapmái. Voit lukea ohjeen tai katsoa ohjeet etävastaanotosta ja etätapaamisesta sivun lopussa olevalta selkokieliseltä videolta.
Gáiddusdeaivvadeamit OmaVirtu bokte
- Mii ollašuhttit gáiddusdeaivvademiid OmaVirtu bokte. OmaVirtu lea neahttabálvalus Lappi buresveadjinguovllu áššehasaide.
Mo ráhkkanat gáiddusdeaivvadeapmái?
- Buresveadjinguovllu ámmátolmmoš várre dutnje áiggi gáiddusdeaivvadeapmái.
- Saat tekstiviestillä vahvistuksen varatusta ajasta ja etätapaamisen aiheesta.
- Jos dárbbašat dulkka, muitte muitalit ášši birra, go gáiddusdeaivvadeami áigi várrejuvvo. Ámmátolmmoš diŋgo dutnje dulkka.
Dárbbašat rusttega ja interneahttaoktavuođa
- Gáiddusdeaivvadeamis sáhtát geavahit dihtora, nehttoša dahje fiehttotelefovnna.
- Rustegis ferte leat kámera, mikrofovdna ja skájan dahje belljosat.
- Dárbbašat maiddái interneahttaoktavuođa.
Gáiddusdeaivvadeamis sáhtát geavahit dihtora dahje fiehttotelefovnna
- Jos geavahat gáiddusdeaivvadeamis dihtora, it dárbbaš viežžat Microsoft Teams- prográmma iežat dihtorii. Itge dárbbaš registreret iežat dahje čálihit sisa prográmmii.
- Teams-prográmma geavaheapmái dárbbašat Google Chrome- dahje Microsoft Edge-weblogana.
- Jos geavahat gáiddusdeaivvadeamis fiehttotelefovnna dahje nehttoša, don fertet viežžat Microsoft Teams-áppa iežat rusttegii.
- Mana iežat rusttegiin áppagávpái, mii lea Play Kauppa dahje App Store. Viečča áppagávppis Microsoft Teams-áppa iežat rusttegii.
- Go leat viežžan áppa, sáhtát giddet áppa. It dárbbaš registreret iežat dahje čálihit sisa Microsoft Teams-áppii
Sihkkarastte, ahte lea doarvái buorre čuovga ja neahttaoktavuohta
- Searvva gáiddusdeaivvadeapmái dakkár lanjas, gos ii leat badjelmeare šlápma. Geavat dárbbu mielde belljosiid.
- Sihkkarastte, ahte lanjas lea buorre čuovga vai videogovva oidno bures.
Viečča fiillaid gárvásii
- Gáiddusdeaivvadeami áigge sáhtát čájehit ámmátolbmui áššegirjjiid dahje eará fiillaid. Dát sáhttet leat ovdamearkka dihte eiseváldemearrádusat dahje -cealkámušat.
- Ovdal deaivvadeami viečča fiillaid gárvásii iežat rusttegii, man geavahat. Fiillaid juohkin dáhpáhuvvá nu, ahte juohkit šearpma. Ámmátolmmoš rávve du, mo juogát iežat rusttega šearpma.
Mo searvvan gáiddusdeaivvadeapmái?
1. Čálit sisa Omavirtui ovdal gáiddusdeaivvadeami. Dovdát OmaVirtu-neahttabálvalussii neahttabáŋkodovddaldagaiguin, mobiilasihkkarastimiin dahje sihkkarastinkoarttain.
2. Jos geavahat dihtora, gávnnat dutnje várrejuvvon gáiddusdeaivvademiid Omavirtu ovdasiiddus badjeravdda fálus.
3. Jos geavahat nehttoša dahje fiehttotelefovnna, gávnnat dutnje várrejuvvon gáiddusdeaivvademiid OmaVirtu ovdasiiddus gurutbeale badjeravdda fálus.
4. Raba gáiddusdeaivvadeami Teams-liŋkka vihtta minuhta ovdal go deaivvadeapmi álgá.
5. Sihkkarastte, ahte kámera ja mikrofovdna doibmet.
6. Čále iežat ovdanama ja deatte boalu Liity kokoukseen vieraana.
7. Searvama maŋŋá sirdásat vuordinsadjái (odotustila). Vuordde ráfis, ahte sosiála- ja dearvvašvuođasuorggi ámmátolmmoš searvá videooktavuođain gáiddusdeaivvadeapmái.
Vállje badjefálus Etätapaamiset
- Dovdáma maŋŋel sirdásat OmaVirtu-neahttabálvalussii.
- Vállje badjefálus Etätapaamiset, dan bokte sirdásat Etätapaamiset-siidui.
Etätapaamiset-siiddus oainnát dutnje várrejuvvon áiggiid
- OmaVirtu Etätapaamiset-siiddus oainnát dutnje várrejuvvon gáiddusdeaivvademiid.
- Gáiddusdeaivvadeamis mii geavahit diehtodorvvolaš Microsoft Teams-prográmma. Gáiddusoktavuohta lea suddjejuvvon ja luohtehahtti. Eat vurke gova eatge jiena.
Mo geavahat Keskustelu-gietti?
- Gáiddusdeaivvadeamis sáhtát čállit Teams-prográmma Keskustelu-gieddái, mas ámmátolmmoš oaidná du teavstta.
- Diehtosuoji dihte Keskustelu-gieddái ii oaččo čállit persovdnadieđuid, ovdamearkka dihte persovdnadovddaldaga. Gáiddusdeaivvadeami maŋŋá Keskustelu-gieddái čállojuvvon teavsttat jávket.
- Sáhtát čállit Keskustelu-gieddái, jos dus lea juogalágan váttisvuohta gáiddusoktavuođain. Jos váttisvuođa ii sáhte čoavdit viđa minuhta siste, ámmátolmmoš riŋge dutnje telefovnnain.
- Ámmátolmmoš sáhttá sáddet dutnje gáiddusdeaivvadeami áigge liŋkkaid ja rávvagiid Keskustelu-gieddái. Muitte rahpat liŋkkaid ja rávafiillaid juo deaivvadeami áigge. Gáiddusdeaivvadeami maŋŋá sáhtát ráfis oahpásmuvvat daidda.
Gáiddusvuostáiválddáhat ja gáiddusdeaivvadeapmi -álkesgielat rávvagat
Geahča álkesgielat rávvagiid gáiddusvuostáiválddáhaga ja gáiddusdeaivvadeami birra vuolábeale videos.
Máhcahat
Coahkkal vuolábeale buoluid muitalan dihte gávdnetgo min siidduin daid rávvagiid, maid dárbbašit. Sáhtát coahkkaleami maŋŋá čállit midjiide máhcahaga dahje muitalit, makkár rávvagiid sávašit lasihuvvot deike.