Pasieanta- ja sosiálaáššeolmmoš
Pasieanta- ja sosiálaáššeolmmoš
Jagi 2024 álggu rájes pasieanta- ja sosiálaáššehovdejeaddjiid barggut leat guovdduštuvvon buresveadjinguovlluide. Buresveadjinguovllu pasieanta- ja sosiálaáššehovdejeaddjit doibmet maiddái sosiála- ja dearvvasvuođafuolahusa priváhta bálvalusbuvttadeaddjiid, bargodearvvasvuođafuolahusa ja árrabajásgeassima pasieanta- ja sosiálaáššehovdejeaddjin.
Oktavuođadieđut
Oaččut oktavuođa pasieanta- ja sosiálaáššehovdejeaddjái telefovnnain:
040 506 0083 / Johanna Pikkuaho
040 482 3584 / Satu Peurasaari
Sáhtát maiddái sáddet e-boastta:
Fuom! Geavat álo dorvoe-boastta, go sáddet dieđuid, mat dollojuvvojit suollemassan dahje sáddet hearkkes dieđuid. Dorvoboastta beasat geavahit dán čujuhusas. Dárkilut rávvagiid gávnnat dáppe, mo registreret ja sáddet dieđu.
Pasieantaáššeolmmoš
Pasieantaáššeolbmo bargun lea rávvet ja addit dieđuid buohcci sajádaga ja vuoigatvuođaid birra. Pasieantaáššeolmmoš doaibmá buohcci vuoigatvuođaid ovddideami ja ollašuhttima ovdii.
- Muitala buohcci vuoigatvuođaid birra ja rávve vuoigatvuođaide laktáseaddji gažaldagain, mat leat
- vuoigatvuohta buori dearvvasvuođa- ja buohccedikšui ja dasa laktáseaddji gieđahallamii,
- buohcci dieđuoažžunvuoigatvuohta,
- buohcci iešmearridanvuoigatvuohta,
- vuolleahkásaš buohcci sajádat,
- lágalaš ovddasteaddji dahje oapmahačča dieđuoažžunvuoigatvuohta ja doaibmaváldi ja
- diehtosuodjeáššit.
- Rávve, mo buohcci sáhttá doaibmat go lea duhtameahttun dikšui dahje gieđahallamii.
- Rávve ja veahkeha dárbbu mielde buohcci buohccevahátlága oaivvildan buohccevahátalmmuhusa, muittuhusa dahje guoddaleami dahkamis.
- Dieđiha buohcci vuoigatvuođaid birra ja doaibmá buohcci vuoigatvuođaid ovddideami ja ollašuhttima ovdii.
Dikšui dahje gieđahallamii laktáseaddji váttisvuođain ja eahpečielggasvuođain dutnje lea buorre ságastallat vuos divššus vástideaddji poliklinihka dahje ossodaga bargiiguin dahje sin ovdaolbmuiguin.
Pasieantaáššeolmmoš ii daga ieš mearrádusaid, iige sáhtte nuppástuhttit dahje váldit beali dikšunmearrádusaide dahje virgeoapmahaččaid dahkan mearrádusaide.
Voit hyödyntää asioinnissa myös potilasasiavastaavan digipalveluja. Pääset tutustumaan palveluun tämän linkin kautta.
Sosiálaáššeolmmoš
Sosiálaáššeolbmo bargun lea rávvet áššehasaid sosiálafuolahussii ja áššehasa vuoigatvuođaide laktáseaddji áššiin.
- Rávve sosiálafuolahusa áššehasaid sin sajádahkii ja vuoigatvuođaide laktáseaddji áššiin,
- Veahkeha áššehasa dárbbu mielde dahkat muittuhusa su gieđahallama birra sosiálafuolahusa doaibmanovttadaga ovddasvástádusolbmui dahje sosiálafuolahusa jođiheaddji virgehálddašeaddjái.
- Dieđiha áššehasa vuoigatvuođaid birra,
- Doaibmá muđuige áššehasa vuoigatvuođaid ovddideami ja ollašuhttima ovdii,
- Čuovvu áššehasaid vuoigatvuođaid ja sajádaga ovdáneami buresveadjinguovllus
Sosiálaáššeolbmo ulbmilin lea ovddidit áššehasvuolggalašvuođa, áššehasa vuoigatvuođa buori sosiálafuolahussii sihke buori gieđahallamii vealaheami haga. Sosiálafuolahusa ollašuhttimis galgá váldit vuhtii áššehasa doaivagiid, oaivila, ovddu, oktagaslaš dárbbuid sihke su eatnigiela ja kulturduogáža.
Sosiálaáššeolbmo bargu lea ráđđeaddi, áššeolmmoš ii daga mearrádusaid iige mieđit ovdduid. Son ii maiddái sáhte nuppástuhttit virgeoapmahačča dahkan mearrádusaid.
Pasieanta- ja sosiálaáššeolbmuid bálvalusat leat nuvttá.
Sáhtát ávkkástallat áššiiddikšuma oktavuođas maiddái sosiálaáššehovdejeaddji digibálvalusaid. Beasat oahpásmuvvat bálvalussii dán liŋkka bokte.
Váidin nappo buohcci ja áššehasa riektedorvoneavvut
Juos don buohccin dahje sosiálafuolahusa áššehassan it leat duđavaš du oažžun bálvalussii, dikšui dahje gieđahallamii, sáhtát
- dahkat muittuhusa doaibmanovttadaga ovddasvástádusolbmui
- dahkat guoddaleami gohcci virgeoapmahažžii.
- ohcat buohccevahátbuhtadusa Buohccedáhkádusguovddážis.
- sosiálafuolahusa áššehassan ohcat nuppástusa du oažžun mearrádussii.
Sosiálafuolahusa áššehasa muittuhus
Pasieantta dikšui ja meannudeapmái guoskevaš muittuhus
Guoddaleapmi guovlohálddahusvirgedoaimmahahkii ja Valvirai
Guoddaleapmi riikkabeivviid vuoigatvuođaáššeolbmui
Buohccedáhkádusguovddáš ja buohccevahátalmmuhus
Laktáseaddji digibálvalusat
Henkilökohtaista neuvontaa ja apua tietoturvallisesti.
Henkilökohtaista neuvontaa ja apua tietoturvallisesti.