Vuorrasiid birrajándora bálvalanássan

Birra jándora bálvalanássan mearkkaša ássama easttahis ja dorvvolaš dikšuruovttus, bálvalanruovttus dahje sullasaš ássanovttadagas, gos lea dikšu ja fuolaheapmi fidnemis jándoráiggis beroškeahttá.

Birrajándora bálvalanássamii gullet:

• Áššehasa dárbbuide vástideaddji ássanvisti.
• Dikšu ja fuolaheapmi jándoráiggis beroškeahttá áššehasa dárbbuid mielde.
• Borramušat, bivttasfuolahus ja čorgen.
• Doaibmannávccaid ja searvvušlašvuođa ovddideaddji doaimmat.

Bálvalussii eai gula dálkasat, persovnnalaš hygienadárbašat ja dikšundárbašat sihke biktasat ded. persovnnalaš dárbašat.

Birrajándora bálvalanássan heive olbmui, gii dárbbaša beaivválaččat jándoráiggis beroškeahttá joatkašuvvi divššu ja fuolaheami dahje gáibideaddji ámmátlaš divššu.

Birrajándora bálvalanássamii sáhttá beassat, juos divššu ja fuolaheami ordnen ruovttudikšun, oapmahašdikšun, bearašdikšun dahje eará láhkái ii leat vejolaš dahje áššehasa ovddu mieldásaš.

Birrajándora bálvalanássan lágiduvvo dárbbu mielde guhkesáigásaččat dahje oanehisáigásaččat. Oanehisáigásaš birrajándora bálvalanássan sáhttá leat gaskaboddosaš dahje jeavddalaččat geardduhuvvon.