Rihkussierrabálvalusat

Rihkussierrabálvalusat (RIKO-doaibma) doarju nuoraid mátkki rihkuskeahtes ja gárrenávnnaskeahtes eallima guvlui. Min doaibma lea intensiivvalaš, oppalaš ja johtilit reagerejeaddji. Mii doallat nana oktavuođa nuorain ja mii doarjut su dárbbu mielde rihkusproseassa iešguđet muttuin. RIKO-doaibma čađahuvvo iešguđetlágan doaibmabirrasiin. Nuorain lea maiddái vejolašvuohta deaivvadit vásáhusáššedovdiiguin. Mii bargat máŋggaámmátlaš nana ovttasbarggu nuora dárbbuid mielde.

Min bálvalus lea oaivvilduvvon 18–30-jahkásaš nuoraide, geat dávjjet dahket vearredaguid dahje leat dahkan duođalaš vearredagu. RIKO-doaibma lea eaktodáhtolaš ja vuođđuduvvá luohttámuššii. Bálvalus lea oaivvilduvvon nuoraide, geat leat duhtameahttumat iežaset eallindillái ja vigget joksat rihkuskeahtes ja gárrenávnnaskeahtes eallima.

Min doaibmabáikkit leat Roavenjárggas ja Giemas, muhto mii smávvát bargat maiddái eará báikkiin Lappi buresveadjinguovllus. Bagadanmuttus mii dárbbašit dieđu nuora dávjjes dahje duođalaš rihkolašvuođas, vai mii sáhttit fállat buoremus vejolaš veahki. RIKO-doaibma lea oassi Lappi buresveadjinguovllu bearaš- ja bargoahkásaččaid sosiálabálvalusas.

Geasa ja makkár eavttuiguin

Min bálvalus lea oaivvilduvvon 18–30-jahkásaš nuoraide, geat dávjjet dahket vearredaguid dahje leat dahkan duođalaš vearredagu.

Bargga ná

Boles, rihkusčuovvumušlágádus (RISE) ja soabadandoaimmahat rávvejit nuoraid min doaimma ollái.