Sosiála loatnaortnet lea oaivvilduvvon Lappi buresveadjinguovllu fásta ássiide, geain leat smávva sisaboađut ja ruđahisvuohta, muhto geat leat máksinnávccalaččat eaige oaččo eará loana govttolaš eavttuiguin. Loana ulbmilin lea doarjut ekonomiijahálddašeami ja nannet ekonomalaš stáđisvuođa. Loana mearri lea 500–8000 € ja loatnaáigi guhkimustá 7 jagi. Loana lassin sáhttá oažžut eará sosiálabálvalusaid.
Ekonomiijarávvemis árvvoštallojuvvo áššehasa ekonomalaš dilli, ohccojuvvojit čovdosat máksinváttisvuođaide ja dorjojuvvo velggiid máksin. Ulbmilin lea eastadit liigevealgáduvvama ja ovddidit ekonomalaš birgema.
Ekonomiijarávvema bálvalusa lea oaivvilduvvon buot Lappi buresveadjinguovllu ássiide, geain leat unna dahje stuorra ekonomiijagažaldat.
Sosiála loana eavttut:
Jus du ekonomalaš dilli lea fáhkka rievdan, ovdamearkka dihte bargguhisvuođa, buohcuvuođa, earráneami dahje čoggon velggiid geažil, ja dus leat váttisvuođat máksit vealtameahttun goluid, de váldde oktavuođa iežat guovllu sosiálabálvalusaide. Dárbbu mielde dutne nammaduvvo iežat bargi, guhte ovttasbargá sosiála loatnaortnega sosiálabagadalliiguin ja ekonomiijarávvejeaddjiiguin.
Sáhtát maiddái váldit oktavuođa sosiála loatnaortnega rávvemii, juos dus leat fásta boađut ja du eallindilli lea stáđis, muhto dárbbašat ekonomiijabagadeami ja -rávvema ovdamearkka dihte čuovvovaš áššiide:
Sosiála loatnaortnega ja ekonomiijarávvema bálvalusas oaččut bagadeami ja rávvema mo čoavdit ekonomalaš váttisvuođaid.
Bálvalusas galgá duođaštit iežas identitehta, vai sáhttit sihkkašastit du persondieđuid. Bálvalusa bokte sáhtát sáddet sáddagiid ja gažaldagaid, maiddái lea dorvvolaš sáddet čuvvosiid. Sáddejuvvon sáddagat ja vástádusat vurkejuvvojit du iežat kontui DigiLapha-bálvalussii.
Rabas birra jándora.
Oaččut oktavuođa sosiála loana rávvemii telefovnna bokte vuossárggaid, maŋŋebarggaid ja gaskavahkuid.
Sosiála loatnaortnet lea sosiálafuolahussii gullevaš loana addin, man ulbmilin lea eastadit ekonomalaš olgguštuvvama ja vealgáduvvama menddo olu ja ovddidit olbmo ja bearraša iehčanas birgema.
Buresveadjinguovlu sáhttá ordnet sosiála loatnaortnega dakkár viidodagas, go dat ieš mearrida. Loatna sáhttá ákkastallojuvvon siva vuođul juolluduvvot olbmui, geas ii leat iežas smávva sisaboađuid geažil ja ruđahisvuođa geažil eará láhkai vejolašvuohta oažžut loana govttolaš eavttuiguin ja gii bastá máksit loana ruovttoluotta. Loana vihkkedaddamis váldojuvvojit vuhtii ohcci sisaboađut ja golut, várit, vealggit ja dinenvejolašvuođat.
Sosiála loanain vástida buresveadjinguovlu.
Ekonomiijarávven lea nuvttá bálvalus.
Mieđihuvvon sosiála loanas ii berrojuvvo jahkásaš reantu.
Láhka sosiála loatnaortnegis
