Vuoigatvuohta sámegielat bálvalussii

Sápmelaš áššehasas lea vuoigatvuohta oažžut sosiála- ja dearvvasvuođabálvalusaid sámegillii. Dát vuoigatvuohta vuođđuduvvá Suoma láhkaásaheapmái ja riikkaidgaskasaš soahpamušaide, ja dat guoská áššehasa beroškeahttá das, máhttágo son suomagiela.

Sámi giellalága mielde sámegielat bálvalus lágiduvvo ovddemusat nu, ahte áššehas beassá sámegielat bargi ollái. Dulkon lea čuovvovaš molssaeaktu dalle, go sámegielat bargi ii leat oažžumis.

Lappi buresveadjinguovlu galgá váfistit sámiid ruovttuguovllu ássiide vuoigatvuođa geavahit sámegiela eiseválddiáššiiddikšumis sihke njálmmálaččat ja čálalaččat. Áššehasas lea vuoigatvuohta oažžut sutnje guoskevaš áššegirjjiid, nugo mearrádusaid, sámegillii.

Vuoigatvuohta sámegielat bálvalusaide guoská bálvalusaid: 

• mat lágiduvvojit sámiid ruovttuguovllu gielddain (Ohcejohka, Anár, Eanodat ja Soađegili davveoassi Vuohčču) 
• maidda buresveadjinguovlu lea rávven ruovttuguovllu ássi ruovttuguovllu olggobeallái (ovdamearkka dihte Muoná seaŋgaossodat) 
• mat lágiduvvojit dušše sámiid ruovttuguovllu olggobealde (ovdamearkka dihte Lappi guovddášbuohcceviessu)