Jorgale dan viidáse siiddui

 Atte iežat lagaš olbmui lobi dikšut du áššiid – nuppi beales áššiiddikšun viidána Lappis  

Kuva: Digi- ja väestötietovirasto

Jos dus eai leat neahttabáŋkodovddaldagat dahje mobiilanannehus, sáhtát fápmudit iežat lagaš olbmo dikšut áššiid du beales earret eará sosiála- ja dearvvašvuođafuolahusa digibálvalusain, dego IežanKantas, IežanKelas ja apteaikkas (maiddái apteaikkas fitnan). 

Fápmudeapmi dahkko vehkiin Lappi buresveadjinguovllu fápmudusbáikkis.  

Nuppi beales áššiiddikšuma fápmudus, mii dahkko vehkiin  

Nuppi beales áššiiddikšuma fápmudus, mii dahkko vehkiin, váldo atnui vehážiid mielde 3.3.2025 rájes. Vuosttaš fápmudusbáikkit leat rabas Sallas, Giemajávrris, Soađegilis, Anáris, Kolaris, Simos, Giema Länsi-Pohja guovddášbuohcceviesus ja Posios. Giđa ja geasi áigge bálvalus viidána olles buresveadjinguovllus.  

Mo doaibmá fápmudeapmi, mii dahkko vehkiin?  

1. Fápmudusbáiki lea iežat dearvvašvuođadálus dahje -guovddážis.  
2. Várre áiggi fápmudusbáikái elektrovnnalaččat áigevárrenkaleandaris dahje telefovnnain.  
3. Go finat fápmudusbáikkis, fápmudus dahkko vehkiin, ja sáhtát ieš mearridit, guđe áššiid iežat lagaš olmmoš oažžu du beales dikšut.  

Fápmudusat, mat Lappi buresveadjinguovllufápmudusbáikkiin mieđihuvvojit:  

• Sosiálafuolahusa áššiiddikšun  
• Sosiáladorvvu ovdoáššiid dikšun  
• Dearvvašvuođafuolahusa áššiiddikšun  
• Apteaikaáššiiddikšun  
• Suomi.fi -dieđut  

Fápmudusa veahkil iežat lagaš olmmoš sáhttá dikšut du áššiid gáiddusin maiddái nuppi báikegottis.   

Lappi buresveadjinguovlu lea guđát buresveadjinguovlu, mii fállá Suomi.fi-fápmudusaid registrerema vehkiin. Fápmudeami ulbmil lea ovddidit ovttaveardásaš vejolašvuođaid doaibmat digitála birrasis.  

Loga eambbo, mo divššut áššiid Lappi buresveadjinguovllu fápmudusbáikkiin: Fápmut iežat lagaš olbmo fápmudusbáikkis - Lapha