Jorgale dan viidáse siiddui

Atte iežat lagaš olbmui lobi dikšut du áššiid

Nuppi beales áššiiddikšuma fápmudus doaibmá dál olles Lappi buresveadjinguovllus.

Geassemánus bálvalus váldo atnui Ranuas, Roavvenjárggas, Tervolas, Durdnosis ja Ohcejogas. Eará báikegottiin nuppi beales áššiiddikšuma fápmudus bargi veahkil lea juo váldon atnui.

Jos dus ii leat anus nana elektrovnnalaš dovdán, nugo neahttabáŋkodovddaldagat dahje mobiilanannehus, sáhtát fápmudit iežat lagaš olbmo dikšut du beales áššiid. Fápmudus dahká vejolažžan dikšut áššiid ovdamearkka dihte MuKantas, MuKelas, apteaikkain ja dál maiddái Lappi buresveadjinguovllu DigiLapha-áššiiddikšunbálvalusas rávesolbmo sosiála- ja dearvvašvuođafuolahusa nuppi beales áššiiddikšumis.

Mo fápmudeapmi dáhpáhuvvá?

Fápmudeapmi dahkko báikki alde Lappi buresveadjinguovllu fápmudusbálvalanbáikkis, mii lea iežat dearvvašvuođaguovddážis. Go finat fápmudusbálvalanbáikkis, fápmudus dahkko bargi veahkil, ja don sáhtát ieš mearridit, guđe áššiid iežat lagaš olmmoš oažžu du beales dikšut. Fápmudusa veahkil iežat lagaš olmmoš sáhttá du beales dikšut áššiid maiddái nuppi báikegottis, álkit ja diehtodorvvolaččat.

Fápmudusat, mat Lappi buresveadjinguovllu fápmudusbálvalanbáikkiin mieđihuvvojit:  

•  Sosiálafuolahusa áššiid dikšun
• Sosiáladorvvu ovdoáššiid dikšun
• Dearvvašvuođafuolahusa áššiid dikšun
• Apteaikaáššiiddikšun
• Suomi.fi-dieđáhusaid lohkan ja hálddašeapmi

Lappi buresveadjinguovlu lea guđát guovlu Suomas, mii fállá Suomi.fi-fápmudusaid registrerema bargi veahkil. Bálvalus lea oaivvilduvvon namalassii sidjiide, geain ii leat vejolašvuohta dahkat fápmudusa elektrovnnalaččat ieš.

Ulbmilin lea dorvvastit ovttaveardásaš vejolašvuođaid dikšut iežas áššiid digitála birrasis – maiddái dalle, go don dárbbašat dasa veahki.

Loga eambbo veahkehuvvon fápmudusa bálvalusas ja geahča dárkilut dieđuid fápmudusbálvalanbáikkiid birra: Fápmut iežat lagaš olbmo fápmudanbáikkis - Lapin hyvinvointialue