Äššigâs já pyeccee torvolâšvuotâ
Äššigâs já pyeccee torvolâšvuotâ
Pyeccee- já äššigâstorvolâšvuotâ lii ornimnáál palvâlusâi kvaliteet vuáđu. Palvâlusâi torvolâšvuođâ oovdedmân lii tehálâš uážžuđ tiäđu varâlâšvuođâ- já háittutiilijn. Almottâsah kieđâvuššojeh luáttámušlávt tábáhtusohtâduvâst ovdâulmuu jođettâsâst. Tábáhtum tovâttâm suujah čielgâduvvojeh, vâi pyehtip velttiđ sullâsijd tábáhtusâid puátteevuođâst.
Almoot varâlâšvuođâtábáhtusâst
Puávtáh toohâđ varâlâšvuođâtilealmottâs, jis huámášah mii palvâlusâin tábáhtus, mii tovâttij tâi ličij puáhtám tovâttiđ hááitu äššigâsân tâi pyeccei. Varâlâšvuođâtilealmottâs lii uáivildum pyeccei, äššigâsâi, omâhái já aldemui kiävtun.
Almottâsâst puáhtá muštâliđ tábáhtusâst já toohâđ ovdedemiävtuttâsâid. Luámáttâh tiävdoo neetist já vuolgâttuvvoo šleđgâlávt Laapi pyereestvaijeemkuávlu kieđâvušmân. Palvâlus ij vaađâ tubdâttâttâm. Ko toovah almottâs, lasseet ohtâvuotâtiäđuidâd mield, vâi pyehtip pieijâđ kieđâvuššâm maŋa macâttâs tunjin šleđgâpostáin.
Teevdi luámáttuv: Varâlâšvuođâtilealmottâs
Tiätutorvo- tâi tiätusyejialmottâs
Tiätutorvo- tâi tiätusyejialmottâs lii pyeccei, äššigâsâi já aldemui kiävtun uáivildum šleđgâlâš luámáttâh, mii máhđulist tiätutoorvon tâi tiätusuáján lahtojeijee varâlâšvuođâtábáhtusâi almottem. Laapi pyereestvaijeemkuávlu tiätusyeji tâi tiätutorvovästideijeeh kieđâvušeh almottâsâid.
Teevdi luámáttuv: Tiätutorvo- já tiätusyejivarâlâšvuođâtábáhtus almottâs