Äššigâs já pyeccee vuoigâdvuođah

Pyeccen tust lii vuoigâdvuotâ toos, ete

• Uážuh pyere tiervâsvuođâ- já pyecceitipšo já pyere kohtâlem.
• Tuu tiäđuh tuállojeh syeligâssân, iäge toh levâttuu sárnumáin, čälimáin tâi sosiaallii media peht toid uásipeelijd, kiäh iä uásálist tuu tipšomân.
• Puoh tuu tiäđuh kieđâvuššojeh ääšimiäldásávt, iäge tuu tiäđuh kaartâ ulguupiälásáid.
• Tun iberduuh já uážuh táárbu mield tuulhâ kiävttusâd tipšomtilán.

Tust lii máhđulâšvuotâ

• Toohâđ muštottâs, jis lah tutâmettum tuu finnim tiipšon tâi kohtâlmân, ijge äšši selvân savâstâlmáin.
• Toohâđ pyeccee já omâháá háittu- já varâlâšvuođâtilealmottâs, jis huámášah, ete pyeccee tipšomist lii lamaš pyeccee torvolâšvuođâ hettejeijee tábáhtus mii tovâttij tâi ličij puáhtám tovâttiđ pyeccei hááitu.
• Uážžuđ kopioid jieijâd pyecceemuštâlustiäđuin.
• Uážžuđ tuu pyecceeregister lokitiäđuid ohtii ivveest mávsuttáá majemuu kyehti ive ääigist. Jis tun epidah ete tuu pyecceetiäđuh láá kevttum  puástud, puávtáh táttuđ ääšist čielgâdâs. Puástukevttimiäpádâs čielgâdem várás tarbâšum tiäđuh láá tuu persovn- já ohtâvuotâtiäđuh, epidum puástukevttim äigimuddo, maht iäpádâs šoodâi, epidum kevttee tâi tahhee sehe magarijn tiäđuin lii koččâmuš.
• Táttuđ ei. tärhistiđ, vuoigiđ já tievâsmittiđ tuu registertiäđuid.
• Rähtiđ tipšomtáátu vuosâsaajeest JieččânKantan, vâi tot lii kevttimist puoh tiervâsvuođâhuolâttâs almolii tiervâsvuođâhuolâttâs ohtâduvâin.
• Omakanta.fi
• Kieldiđ tuu tiäđui luovâttem nubbijd tiervâsvuođâhuolâttâs ohtâduvváid Jieččânkanta-palvâlus peht.
  • Omakanta.fi
  • Jis halijdah kieldiđ tuše Laapi kuávdášpyecceiviäsust pyevtittum tiäđui luovâttem nubbijd tiervâsvuođâhuolâttâs ohtâduvváid, puávtáh toohâđ tom elimáin kuávdášpyecceiviäsu pyecceemuštâlusarkkâduvâst.
  • Ama huámášah, ete tuu tipšom puáhtá hettâšuđ, jis tipšoo uásipeeleest ij lah kiävtust puoh tunjin kyeskee tiätu.
• Uážžuh vaahâgsajanmáávsu pyereestvaijeemkuávlu palvâlusâi kevttim ohtâvuođâst lappum tâi cuovkkânâm omâduvâst tâi eres vahâgist, mii lii tovâttâm koloid.

Luámáttuvah

Puávtáh tevdiđ já vuolgâttiđ luámáttuvâid šleđgâlávt tâi poostâ mield.

Šleđgâlii pivduu várás kalga vistig registeristiđ jieijâs Suomi.fi-viestah -palvâlus kevtten nettipaŋkkitubdâlduvâiguin, moobiilnanodâssáin tâi šleđgâlijn persovnkorttáin čujottâsâst: https://suomi.fi/viestit/viestiketjut/.

Suomi.fi-viestah -palvâlus kevttem registeristem maŋa tiävdoo šleđgâlâš luámáttâh.

Šleđgâliih luámáttuvah

Sosiaalihuollon asiakkaan muistutus

Potilaan hoitoon ja kohteluun liittyvä muistutus

Potilaan ja omaisen haitta- ja vaaratilanneilmoitus

Korvaushakemus kadonneesta tai rikkoutuneesta omaisuudesta

Printtimnáál luámáttuvah:

Sosiaalihuollon asiakkaan muistutus (pdf)

Potilaan hoitoon ja kohteluun liittyvä muistutus (pdf)

Korvaushakemus kadonneesta tai rikkoutuneesta omaisuudesta (pdf)