Elettemtoorjârekinistee

Elettemtoorjârekinistee vuáđuduvá ravvui, mon riehtiministeriö lii adelâm ive 2007 päärni elettemtorjuu stuáruduv árvuštâllâm várás sehe Elettemtoorjâ vuáruaassâmtiileest -ravvui, mon riehtiministeriö lii almostittám ive 2023. Ravvuuh láá avžuuttâs nálásiih já fäälih vástádâsâid táváláid elettemtiilijd.

Rekinistee puáhtá kevttiđ tiileest, mast pärni áásá nube vaanhim kulen (vaanhim, kote áásá parnijn) sehe tiäivá nube vaanhim (vaanhim, kote tiäivá päärni) tâi áásá vuáruluvâi kuohtui vaanhimijdis kulen (vuáruässee päärni vaanhim A já vuáruässee päärni vaanhim B).

Rekinistee tevdimân taarbâš kuohtui vaanhimij tiäđuid. Puáđus lii suulân-árvu, ij lopâlâš miärádâs.

Vâi päärni elettem visásmittoo meiddei jotelis eellimnubástusâin, kannat tipteđ párnáikoccee árvuštâllâđ meiddei tom sopâmuš, mon vaanhimeh lává koskânis porgâm. Tuše taggaar elettemsopâmuš, mon párnáikoccee tâi riehti lii nonnim, lii olášuttemtohálâš.

Tun puávtáh adeliđ macâttâs elettemtoorjârekinistee uđđâ versiost, mii váldá huámmášumán vuáruaassâmtile, tain luámáttuváin (lekkâs uđđâ siijđon).

Elettemtoorjârekinistee tuáimá kuulmâ sämikielân:

Keevti rekinistee anarâškielân
Keevti rekinistee orjâlâškielân
Keevti rekinistee nuorttâlâškielân

Táálááh sämikielâliih rekinisteeh iä vääldi huámmášumán vuáruaassâm.