Jieijâsvakšum
Sosiaal- já tiervâsvuođâhuolâttâs vakšum
Jieijâsvakšuumáin uáivildeh taid vuovijd já tooimâid, main palvâlusuárnejeijee já palvâluspyevtitteijee vákšojeh, čuávuh já árvuštâleh toimâidis. Jieijâsvakšuumáin visásmittoo äššigâsâi ovtviärdásâšvuotâ já palvâlusâi finnimvuotâ, jotkuuvâšvuotâ, torvolâšvuotâ já kvaliteet. Jieijâsvakšuumáin visásmittoo, ete toimâ olášuttoo laavâmiäldásávt já sopâmušâid nuávditmáin. Lasseen toos kuleh riskâtiilij uáinistem já čuolmâid tarvanem. Jyehi Laapi pyereestvaijeemkuávlu palvâlusâid pyevtitteijee tuáimee ovdâsvástádâsân lii anneeđ huolâ tast, ete äššigâs já pyeccee vuoigâdvuođah olášuveh.
Sosiaal- já tiervâsvuođâhuolâttâs vakšum almolâš stivrim kulá sosiaal- já tiervâsvuođâministeriön. Lavâlâšvuođâkocceevirgeomâhâžân tuáimih Valvira já kuávluhaldâttâhvirgáduvah.
Laapi pyereestvaijeemkuávlu vakšum ovdâsvástádâsohtâdâh kulá pyereestvaijeemkuávlu haldâttâh- já toorjâpalvâlusâi toimâkuávlun, vakšum já varriidâttâm -ovdâsvástádâssuárgán. Vakšum ovdâsvástádâsohtâdâh vákšoo sosiaal- já tiervâsvuođâhuolâttâs uárnimtooimâ já palvâluspyevtittem (almolâš já priivaat).
Jieijâsvakšum
Laapi pyereestvaijeemkuávlu sosiaal- já tiervâsvuođâpalvâlusâi já kááijumtooimâ jieijâsvakšumohjelm sistuálá pyereestvaijeemkuávlun kullee sosiaal- já tiervâsvuođâhuolâttâs sehe kááijumtooimâ palvâlusâi jieijâsvakšumohjelm prinsiipijd.
Jieijâsvakšumohjelmijguin visásmittoo, ete Laapi pyereestvaijeemkuávlu ässeeh uážžuh vuáđuvuoigâdvuođâi sijjân turvim, tárbuidis miäldásijd palvâlusâid olmâ ááigán, ovtviärdásávt já juvsâttetteht, ollâ tääsist já torvolávt. Jieijâsvakšumohjelm konkretisist laavâst asâttum kenigâsvuođâid já oovtnálásit vakšum keevâtlii olášuttem, já návt máhđulist vaigutteijee vakšum olášuttem äššigâsâi já pyeccei pyeremussân.
Tiina Puotiniemi
vakšumhovdâ
Vakšum já varriidâttâm
Yhteystiedot
Tiina Puotiniemi
vakšumhovdâ
Vakšum já varriidâttâm
Yhteystiedot