Kocceem já huápulâš iše
Kocceem já huápulâš iše
Jiegâ tâi tiervâsvuođâ äštee tiileest suáiti 112. Etinumerist etikuávdáškoccee addel ravvuid já koččo táárbu mield išán ambulans tâi eres iše.
Tiervâsvuođâsajattuvâi kocceem
Tuu vuosâsajasâš tipšomsaje puáccámtiilijn lii jieijâd tiervâsvuođâsajattâh.
Kuávdášpyecceiviäsui kocceem
Kocceem puhelinravvim lii uáivildum tuše kocceemluándusáid tiilijd, main tarbâšuvvoo tiervâsvuođâhuolâttâs áámmátulmuu tipšom táárbu árvuštâllâm. Jis máhđulâš, suáiti puhelinravviimân ovdil ko puáđáh kocemân.
Laapi kuávdášpyecceiviäsu
- p. 016 322 48 00
- Kollimčujottâs: Ounasrinteentie 22, Ruávinjargâ
Länsi-Pohja kuávdášpyecceiviäsu
- p. 040 149 1340
- Kollimčujottâs: Kauppakatu 25, Kiemâ
Šoddâdem
Šoddâdemvuástáväldim tuáimá oles pirrâmpeeivi. Tohon pyehtih väldiđ ohtâvuođâ já puáttiđ čuávjoo ulmuuh, kiäi čuávjum lii pištám paijeel 22 čuávjumoho. Vuástáväldim tuáimá čuávjoo ulmui kocceempolikliinikkin.
Párnáitaavdâi puhelinkocceem
Vuálá 15-ihásij pärnipyeccei kocceemääših, eereeb päärtih. Pärnipyeccee täpiturmijd kyeskee aašijn vääldi ohtâvuođâ kuávdášpyecceiviäsu kocemân.
Uđđâ toimâmvyehi: Ovdil ohtâvuođâväldim vuálá škovlâahasijn párnáin tiävdoo digitaallâš symptomkoijâdâllâm. Ravvuid ton tohâmân tun kaavnah siijđost Párnái kocceem
Laapi kuávdášpyecceiviäsu
- p. 040 642 8811, pärnipyecceitipšoo
- Kollimčujottâs: Ounasrinteentie 22, Ruávinjargâ
Päniverkkâkocceem argâpeeivij
Pänituáhtárkocemist tipšojeh eereeb iärrás päniverkkâ sehe paanijd já njäälmi kuávlun čuoccâm täpitormeh.
Pänituáhtárkocceem
Oholoopâi já argâpoosij njäälmi tiervâsvuođâhuolâttâs kocceem lii uárnejum kuávlulâš ohtsâšpargon.
Lá já pa tme 9.30-12.00
p. 010 633 8330
Sosiaalkocceem
Sosiaalkocceem iššeed tuu párnáisuoijâlmân, perâkriisáid, eellimhaaldâšmân, mielâtiervâsvuotân tâi uáivádâssáid lahtojeijee huápulijn tiilijn.
Mielâtiervâsvuođâkocceem
Mielâtiervâsvuođâkocceem lii áávus oles pirrâmpeeivi. Jieh taarbâš vuolgâttâspááppár. Koccee puhelimist adeluvvoo ravvim meiddei omâháid, čonâsjuávhoid já virgeomâháid.
Laapi kuávdášpyecceiviäsu
- p. 040 715 8400
Länsi-Pohja kuávdášpyecceiviäsu
- p. 040 774 3891
Toorjâkuávdáš seksuaallii viehâvääldi feerim ulmuid
Mij faallâp seksuaalrikkoos uuhrij toorjâkuávdást iše já torjuu seksuaalviehâvääldi uhrijd.
Länsi-Pohja kuávdášpyecceiviäsu seri-toorjâkuávdáš 24/7
- p. 040 527 7983
Seri-toorjâkuávdáš Ruávinjargâ 24/7
- p. 040 726 8002
Seri-toorjâsaje Avveel
- Kocceempuhelin 24/7 p. 040 770 9187
Torvopäikki
Puávtáh ucâluđ torvopááikán mon peri jándurääigi, jis pääihist lii viehâväldi tâi ton aaštâ.
Tiäđuh já toorjâ eres soojijn neetist
Mirhâttâstiätukuávdáást västidep puhelimáin koččâmuššáid, moh kyeskih ulmui fakkist tábáhtum mirhâttâsâi estimân já tipšomân. Mij palvâlep oles riijkâ já adelep ravvuid aalmugjesânáid já tiervâsvuođâhuolâttâs áámmátulmuid oles pirrâmpeeivi.
Kocceemtáálu rävvee fakkist šoddâm tiervâsvuođâčuolmâin. Tot tuárju jieijâdtipšomist já tiipšon monâmist sehe taha kocceem toimâm uápisin.
Tiervâsvuođâsijdâ: Kocceemtáálu
Päivystyshelppi tuárju já rävvee tiipšon monâmist. Tot ij addel arvâlus ovtâskâs tavdâmeerhâ tuođâlâšvuođâst ijge tot puáđi áámmátulmuu toohâm persovnlii tipšom táárbu árvuštâllâm sajan. Palvâlus lii uáivildum paijeel 16-ihásáid.
Lah-uv tun karttâm rikkoos tâi rikoskeččâlem čuosâttâhhân tâi lah-uv šoddâm tuođâštiđ rikkoos? Rikosuhrekocceem (Rikosuhripäivystys, RIKU) pyereed uhre, suu aldasáá já rikosääši tuođâšteijee sajattuv vaaigutmáin já pyevtitmân toorjâpalvâlusâid.
Uážuh RIKUn ohtâvuođâ puhelimáin já neetist.