Mätkipalvâlemkuávdáš

Mätkipalvâlemkuávdáš fáálá Laapi pyereestvaijeemkuávlust fievridempalvâlusâi sirdem. 

Mätkipalvâlemkuávdáá peht puávtáh tiiláđ vádulijpalvâlus-, sosiaalhuolâttâs- já ovdánemváddulaavâ miäldásijd fievridempalvâlusâid sehe palvâlem-, ášástâllâm- já koččomjuávkkujotolâhmaađhijd. Tiervâsvuođâhuolâttâs määđhih tegu tuáhtár-, laboratorio- já vajodittemkolliimeh iä kuulâ Laapi pyereestvaijeemkuávlu sajanmäksim fievridempalvâlussáid. Puávtáh uuccâđ tiervâsvuođâhuolâttâs maađhijn sajanmáávsu Kelast.

Matkapalvelukeskus tarjoaa tällä hetkellä välityspalveluja Inarissa, Kemijärvellä, Keminmaassa, Kemissä, Kolarissa, Muoniossa, Pelkosenniemellä, Pellossa, Rovaniemellä, Sallassa, Savukoskella, Sodankylässä, Tervolassa, Torniossa ja Ylitorniolla.

Uuden kilpailutuksen valmistumisen myötä toiminta alkaa arviolta keväällä 2025 Enontekiön, Kittilän, Ranuan, Rovaniemen, Simon ja Utsjoen kuntien alueilla.

Mätkipalvâlemkuávdáá palvâlusrävvejeijeeh oceh äššigâssáid hiäivulii mađhâšemvyevi já kiäinu. Siämmáá kuávlun já siämmáá ääigi mađhâšeijee äššigâssáid fállojeh ohtsâšsáátuh. Palvâlusrävvejeijeeh läiđejeh äššigâsâid meiddei kevttiđ ášástâllâm-, palvâlem- já juávkkujotoluv.

Fievridempalvâlusah

Ulmuin, kiäin láá eromâš vädisvuođah liihâdmist já kiäh iä pyevti kevttiđ váádus tâi puácuvuođâs tiet kevttiđ almolijd juávkkujotolâhniävuid hiäivuttes stuorrâ vädisvuođâittáá, lii vuoigâdvuotâ fievridempalvâlussáid. Ulmust kalga leđe meiddei virgálâš fievridempalvâlusmiärádâs.

Vádulijpalvâlusâi sosiaalpargee taha fievridemmiärádâsâid. Fievridempalvâlusah mieđettuvvojeh mánuppajekuáhtásávt. Mieđettum maađhij mere ij uážu rasteldittiđ ijge sirdeđ nube mánuppajan.

Fievridmij tiilám

Mätkipalvâlemkuávdáá puhelinášástâllâm 016 860 2060 kocá oles pirrâmpeeivi.

Tiiláá sáátu Mätkipalvâlemkuávdáást ucemustáá 1,5 tijme ovdil määđhi. Puávtáh tiiláđ maŋgâ sáátu siämmáá tove.

Jis määđhi vyelgimčujottâs lii eres ko tuu päikkičujottâs, puávtáh tiiláđ määđhi ovdâtiilámttáá. Sáttu puátá majemustáá 30 miinuut maŋa. Keesi maađhijd maasâd ucemustáá 30 minuttid ovdil määđhi älgim. Kuittáá sáátu määđhi maŋa fievridempalvâluskorttáin. Maađhij jiešvástádâs rekigistoo tust maŋa ohtii mánuppaajeest.

Almoot čuávvoo aašijd, ko tiilááh määđhi

• Vyelgimčujottâs, merisaje já tijmeääigi.
• Persovnmere, išepiergâsijd, mätkitävirij mere já eres eromâštáárbuid.
• Maainâš sierâ, jis tust lii äigitavludum mano tâi teivâdem merisaajeest.
• Almoot muuneeld, jis määđhi kaskoo lii vyerdimist 10 min orostem. Määđhi kaskoo uážžu leđe enâmustáá ohtâ 10 miinuut vyerdimäigi uccâ ášástâlmân.

Äššigâsâi jieijâs iävtuttem ohtsâšsáátuin ij perruu määđhi jiešvástádâs. Fievridempalvâlusmiärádâssáin puávtáh meiddei mađhâšiđ mávsuttáá palvâlemjotoluvâst. Palvâlemjotolâhmääđhih iä kuulât mánuppajasijd maađhijd.

Miäđuštemiše määđhi ääigi

Äššigâsân puáhtá mieđettiđ fievridempalvâlusmiärádâsâst vuoigâdvuođâ miäđušteijei. Miäđušteijee pargon lii išediđ äššigâs torvolávt vyelgimsaajeest merisajan. Miäđušteijen puáhtá toimâđ olmooš, kote ij lah jieš fievridempalvâlus finnejeijee já áppád toimâđ miäđušteijen. Jis tust lii vuoigâdvuotâ kevttiđ vyeijee miäđušteijen, tust ij pyevti leđe mield eres miäđušteijee. Miäđušteijee maađhâš äššigâssáin mávsuttáá.  Eres mađhâšeijeeh mäksih jieijâs uási taksimääđhi haddeest.

Invafievridmij vyeijee miäđušt äššigâs torvolávt viäsust auton já autost čuosâttâhân. Vyeijee huolât meiddei ääšimiäldásii karâstâhvuáháduv jorreestoovlin.

Fievridempalvâluskorttâ já mađhâšeijeeproofiil

Mätkipalvâlemkuávdáá äššigâssáid ráhtoo äššigâsproofiil já fievridempalvâluskorttâ. Äššigâsprofilân láá čuákkejum tiäđuh tuu persovnlijn mätkitáárbuin, išepiergâsijn, viežžâmčujottâsâst já vuoigâdvuođâst miäđušteijei. Jis profilist lii puhelinnummeer, uážuh tekstâviestâ, ko auto lii váldám tuu tiilám vuástá. Mušte peividiđ nubástum tiäđuid Mätkipalvâlemkuávdážân.

Äššigâsproofiil lii ovtâstittum tuu fievridempalvâluskorttáin, moin kuittááh fievridem määđhi loopâst. Toolâ ain koortâ miäldád ko kiävtáh fievridempalvâlusâid. Korttâ lii persovnlâš. Korttáin uážžu mäksiđ tuše maađhij jiešvástádâs. Koortâ ij uážu kyeđđiđ kuussân, ij ubâ vyeijee siäiludmân. Jis tun varriih tâi korttâ láppoo, almoot tast sosiaalpalvâlussáid.

Maađhij jiešvástádâs mäksim

Maađhij jiešvástádâs rekigistoo äššigâsâin ohtii mánuppaajeest. Vuálá 5 euro mäksimtábáhtusah sirdojeh čuávvoo mánuppaje rekigân. Jiešvástádâsâi pävirrekigeh vuolgâttuvvojeh tunjin pááikán, mon maŋa taid puáhtá mäksiđ táválii vuovvijn jieijâs nettipaaŋkist.

Mij avžuuttep tiiláđ reekkig šleđgâlâš e-rekigin jieijâs nettipaaŋkin tâi adeliđ njuálgumäksimváldásmittem paaŋkin. Talle paŋkki taha mäksimčođâldâs äššigâs peeleest. Reekkig puáhtá tiiláđ šleđgâlâžžân meiddei OmaPostin tâi jieijâs nettipaaŋkin. Rekigijd ij pyevti mäksiđ mäksimkortâiguin tâi pajalistruuđáin pyereestvaijeemkuávlu toimâsoojijn. Jiešvástádâs lasseen ij perruu rekigistemlase.

Puáđihánnáá pááccám sáttu

Jis Mätkipalvâlemkuávdáást tiilájum sáttu ij puáđi ääigild, puávtáh tiiláđ sáátu njuolgist tuu valjim taksikuávdáást tâi taksi-irâtteijest. Puávtáh karttâđ jieš mäksiđ njuolgist tiilájum sáátu, ko puoh taaksijn ij lah Mätkipalvâlemkuávdáá korttâluuhâmpiergâs. Siäilud määđhi kuuitâ já tooimât kuuitâ fievridemmiärádâs toohâm virgeomâhâžân vâi uážuh sajanmáávsu. Mušte keessiđ maasâd Mätkipalvâlemkuávdáá peht tiilájum sáátu.

Lohtâseijee palvâlusah

Labdostiätuvuárháh

Sosiaalihuoltolain mukaisten kuljetuspalvelujen myöntämisperusteet ja soveltamisohjeet (pdf)

Vammaispalvelulain mukaisen kuljetuspalvelun myöntämisperusteet ja soveltamisohjeet Lapin hyvinvointialueella

Kuljetuspalveluiden soveltamisohjeiden omavastuutaksataulukko (pdf)

Äigikyevdil palvâlusâin