Pargotiervâsvuotâhuolâttâs

Pargotiervâsvuotâhuolâttâs kulá puoh pargeid. Lahâaasâtlâš pargotiervâsvuotâhuolâttâs lii muuneeld estâdeijee já pargonaavcâi tuállee. Ton ulmen lii tuárjuđ tuu pargonaavcâid oles pargoeellim ääigi. Pyecceitipšo ornim lii pargoadeleijei rijjâtátulâš.

Pargoadeleijee uárnee já kuástid pargotiervâsvuotâhuolâttâs. Irâtteijen tâi jieijâs pargo pargen tun puávtáh orniđ pargotiervâsvuotâhuolâttâspalvâlusâid olssâd. Pargoadeleijee puáhtá uástiđ pargotiervâsvuotâpalvâlusâid pyereestvaijeemkuávlust, priivaat tuáhtársajattuvâst tâi eres palvâluspuovtâdeijest. Pargoadeleijee puáhtá meiddei orniđ pargotiervâsvuotâhuolâttâs jieijâs toimân.

Poorgâ návt

Vääldi ohtâvuođâ jieijâd pargoadeleijei. Sun muštâl tunjin, moh palvâlusâid tuu pargosaje pargotiervâsvuotâhuolâttâsân kuleh já addel pargotiervâsvuotâhuolâttâs ohtâvuotâtiäđuid. Laapi pyereestvaijeemkuávlu jieijâs pargei pargotiervâsvuotâhuolâttâsâst lii tiätu Kaltio-intrast.

Kuávluliih palvâluspuovtâdeijeeh, maid Laapi pyereestvaijeemkuávlu lii kištottâm

Mij lep ornim lahâaasâtlii pargotiervâsvuotâhuolâttâs mii kuávlust tuáimee irâttâsâi pargeid já irâtteijeid nuuvt, ete mij lep kištottâm palvâluspuovtâdeijeid. Kištottem ulmen lii lamaš visásmittiđ, ete puoh kuávluin lii pargotiervâsvuotâhuolâttâs palvâluspuovtâdeijee.

Lahâaasâtliih pargotiervâsvuotâhuolâttâs palvâlusâid uárnejeh Laapi pyereestvaijeemkuávlust čuávuvávt:

Lappica puovtâd pargotiervâsvuotâhuolâttâs palvâlusâid Iänuduvâst, Muoniost, Ranuast, Ruávinjaargâst, Suáđikylást já Pajetuárnusist.

Terveystalo puovtâd pargotiervâsvuotâhuolâttâs palvâlusâid Anarist, Kiemâjäävrist, Pelkosnjaargâst, Kyelijäävrist, Suovâkuoškâst, Tervolast já Ucjuuvâst.

Mehiläinen puovtâd pargotiervâsvuotâhuolâttâs palvâlusâid Kiemâst, Kiemâenâmist já Tuárnusist.

Pihlajalinna puovtâd pargotiervâsvuotâhuolâttâs palvâlusâid Kittâlist, Kolarist já Pellost.

Oulunkaari puovtâd pargotiervâsvuotâhuolâttâs palvâlusâid Simost.

Coronaria puovtâd pargotiervâsvuotâhuolâttâs palvâlusâid Puášust.