Pargotiervâsvuođâhuolâttâs

Pargotiervâsvuođâhuolâttâs kulá puoh pargeid. Lahâaasâtlâš pargotiervâsvuođâhuolâttâs lii muuneeld estâdeijee já pargonaavcâi tuállee. Ton ulmen lii tuárjuđ tuu pargonaavcâid oles pargoeellim ääigi. Pyecceitipšo ornim lii pargoadeleijei rijjâtátulâš.

Pargoadeleijee uárnee já kuástid pargotiervâsvuođâhuolâttâs. Irâtteijen tâi jieijâs pargo pargen tun puávtáh orniđ pargotiervâsvuođâhuolâttâspalvâlusâid olssâd. Pargoadeleijee puáhtá uástiđ pargotiervâsvuođâpalvâlusâid pyereestvaijeemkuávlust, priivaat tuáhtársajattuvâst tâi eres palvâluspuovtâdeijest. Pargoadeleijee puáhtá meiddei orniđ pargotiervâsvuođâhuolâttâs jieijâs toimân.

Poorgâ návt

Vääldi ohtâvuođâ jieijâd pargoadeleijei. Sun muštâl tunjin, moh palvâlusâid tuu pargosaje pargotiervâsvuođâhuolâttâsân kuleh já addel pargotiervâsvuođâhuolâttâs ohtâvuotâtiäđuid. Laapi pyereestvaijeemkuávlu jieijâs pargei pargotiervâsvuođâhuolâttâsâst lii tiätu Kaltio-intrast.

Kuávluliih palvâluspuovtâdeijeeh, maid Laapi pyereestvaijeemkuávlu lii kištottâm

Mij lep ornim lahâaasâtlii pargotiervâsvuođâhuolâttâs mii kuávlust tuáimee irâttâsâi pargeid já irâtteijeid nuuvt, ete mij lep kištottâm palvâluspuovtâdeijeid. Kištottem ulmen lii lamaš visásmittiđ, ete puoh kuávluin lii pargotiervâsvuođâhuolâttâs palvâluspuovtâdeijee.

Lahâaasâtliih pargotiervâsvuođâhuolâttâs palvâlusâid uárnejeh Laapi pyereestvaijeemkuávlust čuávuvávt:

Lappica puovtâd pargotiervâsvuođâhuolâttâs palvâlusâid Kiemâst, Kiemâenâmist, Tuárnusist, Pajetuárnusist, Pellost, Muoniost, Iänuduvâst, Anarist, Suáđikylást, Ruávinjaargâst já Ranuast.

Terveystalo puovtâd pargotiervâsvuođâhuolâttâs palvâlusâid Kittâlist, Kolarist, Kiemâjäävrist, Pelkosnjaargâst, Kyelijäävrist, Suovâkuoškâst já Tervolast.

Oulunkaari puovtâd pargotiervâsvuođâhuolâttâs palvâlusâid Simost.

Coronaria puovtâd pargotiervâsvuođâhuolâttâs palvâlusâid Puášust.