Vuorâsij ijâppiäiválâš palvâlemaassâm

Ijâppiäiválâš palvâlemaassâm meerhâš aassâm estâttes já torvolii tipšompääihist, palvâlempääihist tâi sullâsii aassâmohtâduvâst, kost tipšom já huolâttem láá finniimist jándurääigist sorjohánnáá.

Ijâppiäiválâš palvâlemaassâm siskeeld:

• Äššigâs tárboid västideijee aassâmviste.
• Tipšom já huolâttem jándurääigist sorjohánnáá äššigâs táárbui mield.
• Purrâmušâid, pivtâshuolâttâs já čurgim.
• Toimâmnaavcâid já siärvuslâšvuođâ ovdedeijee toimâm.

Palvâlus ij siskeeld talkkâsijd, persovnlij hygieniatarbâšijd já tipšomtarbâšijd sehe pihtâsijd tet. persovnlijd tarbâšijd.

Ijâppiäiválâš palvâlemaassâm heivee ulmui, kii taarbâš piäiválávt jándurääigist sorjohánnáá jotkuuváá tipšom já huolâttem tâi vátáváá áámmátlii tipšom. Ijâppiäiválâš palvâlemasâmân puáhtá peessâđ, jis tipšom já huolâttem ornim päikkitipšomin, omâhâštipšomin, peerâtipšomin tâi eres vuovvijn ij lah máhđulâš tâi äššigâs hiäđu miäldásâš.

Ijâppiäiválâš palvâlemaassâm uárnejuvvoo táárbu mield kuhesáigásávt tâi uánihisáigásávt. Uánihisáigásâš ijâppiäiválâš palvâlemaassâm puáhtá leđe koskâpuddâsâš tâi merikoskâsávt kiärdoo.