Aargâ olesnuáđásem haldâšem

Aargâ täsitiäddu vaaikut pyereestvajemân já pargonavccáid. Pyere já virkosmittee aargâ vuáđđun lii merikoskâsâš purâdem, uáđđim já lihâdem. Aargâ riävgoid kuleh meiddei päikkipargoh já äigiájánâsah sehe tot, ete ana huolâ perrust já sosiaallijn koskâvuođâin. Lii tergâd, ete aargâst tunjin pääccih meiddei puudah orroođ aaibâs rijjâ.  Ama huámášah, ete virkosmem ij tábáhtuu tuše astoääigi. Meiddei pargopeeivi ääigi lii pyeri kavnâđ uccâ puudâid virkosmem várás.

Lii pyeri, jis astoäigi addel täsitiädu pargoelimân. Jis pargo lii čuuvtij hoppuu, te astoääigist lii pyeri kavnâđ puudâid ooroostmân. Nube tááhust ovdâmerkkân taggaar pargopeeivi maŋa, ko lii enâmustáá čokkám, sehe mielâ ete roppâ navdâšeh virkkuus liihâdmist já olgon jotemist. Jis tun teeivah pargostâd ennuv ulmuid, te tun puávtáh aibâšiđ astoáigásâd joskis puudâid, kuás tun uážuh leđe ohtuu. Aargâ nuáđásem haaldâšmân iššeed ovdâmerkkân luándust orroom, rávhálâš važottâllâm, muusik kuldâlem já muássumhárjuttâsah. Ama muštáh, ete viätturustigij tovâttem tiätutulve ij iššeed tuu vuoiŋâšijd virkosmiđ.

Mielâtiervâsvuotâtáálu sijđostuvâst tun kaavnah hárjuttâsâid nuáđásem keeppidmân:

Vyevih roopâ rávhuidutmân

Muássumhárjuttâsah

Tiäđulii mieldiorroom hárjuttâsah

Laapi pyereestvaijeemkuávlu palvâlusah

Jieštipšomohjelmeh

Uáppusilloom estimohjelm