Aassâmpirrâs torvolâšvuotâ
Aassâmpirrâs torvolâšvuotâ
Joba kyehti täpitorme kuulmâst heevejeh pääihist tâi astoääigi. Tun puávtáh viggâđ muuneeld estâdiđ paartijd já täpituurmijd nuuvt, ete anah huolâ ovdâmerkkân puálutorvolâšvuođâst. Täpituurmij riiskâ tun puávtáh ucediđ nuuvt, ete kiddiih huámášume pääihi torvolâšvuotân sehe muštottâlah tyellittälli jotolâhtorvolâšvuođâ vuáđuaašijd olssâd já aldaulmuidâd. Lii pyeri, ete rävisulmuuh savâstâleh torvolâšvuođâst meiddei oovtâst párnáigijn.
Jotolâhtorvolâšvuođâ vuáđuaašij iberdem já olášuttem lii juáhháá jotoluvâst jottee ovdâsvástádâsâst. Ovdâmerkkân širottâs já torvopuáhháá kevttim, autoin vyejimân vuáijum já syejiluodâi huámmášumán väldim, talle ko jotá, láá tergâdeh jotolâhtorvolâšvuođâ oovdedmist.
Torvolâšvuođâ puáhtá ovdediđ meiddei nuuvt, ete ráhtádât hemâdâstiilijd. Etivuárkká lii tot paijeelmiärálâš purrâmâš, čääci já tarbâšeh, maid vuárhudeh pääihist etitiilij várás. Tágáreh aargâst spiekâsteijee tileh pyehtih leđe vyerdihánnáá puáccám tâi šleđgâpotkâ, kuás käävpih kiddejeh uuvsâidis.
Etivuárkán kannat skappuđ uápis já pyereest siäiloo purrâmâškáálvuid, maid lii älkkee mälistiđ já moh suápih ubâ perrui. Pyeri raavâ lii väridiđ etivuárhá tommit, ete toin piergee ucemustáá kulmâ pirrâmpeeivi ađai 72 tijmed.
Testii jieijâd pääihi torvolâšvuođâ já estâd muuneeld täpituurmij heevim:
Torvolâšvuotâiskoseh - Kotitapaturma.fi
Täärhist jieijâd pääihi torvolâšvuođâ - Punainen Risti
Uáppáásm rävisulmuid já párnáid jurdâččum uánihis videoid jotolâhtorvolâšvuođâst
Liikenneturva - Peerust, mušte - muuneed