Iše uáivádâssorjolii ulmuu aldaulmui

Aldaulmuu uáivádâssorjolâšvuođâ puáhtá tubdâđ uáivádittee amnâsij čiehâmist, peittimist, soppum manoi tâi pargoi kuáridmist. Uáivádâssorjolâšvuotân lohtâseh távjá meiddei ruttâtuáluliih hástuseh. Uáivádâssorjolâšvuotâ lii haaldâšmettum čuolmâ, mii vaaikut meiddei ulmuu aldaulmuid. 

Lii táválâš, ete uáivádâssorjolâš olmooš kiäldá jieijâs čuolmâ já ocá meiddei suujâid eres saajeest ko jieijâs siste. Aldaaš ulmuu uáivádâsâi kevttimist savâstâllâm ij lah älkkee, mut lii tehálâš muštâliđ, jis lii huolâstum aldaulmuu uáivádâsâi kevttimist. Jieijâs huolâst já tobdoin muštâlem nuuvt, ete ij suujât uáivádâssorjolii, lii pyeri algâ savâstâlmáid. Uáivádâssorjolâš olmooš kalga jieš mieđettiđ jieijâs čuolmâid já halijdiđ nubástus sehe iše, vâi sun puáránâd.

Aldaulmuu uáivádâsâi kevttim toovvât távjá maaŋgâlávánijd tobdoid, tegu palo já atâštâs. Aldaolmožin tun puávtáh tuárjuđ já kuldâliđ sehe ruokâsmittiđ uáivádâssorjolii uuccâđ áámmátiše. Uáivádâssorjolii aldaolmooš kalga anneeđ huolâ meiddei jieijâs pyereestvajemist. Ornijdumeh sehe sosiaal- já tiervâsvuotâpalvâlusah fäälih iše aldaulmuid.

Iše já toorjâ

Toorjâ uáivádâsvajoiduvveid já sii aldaulmuid: Tukikohta ry 

Viärdásâštoorjâ sunjin, kiän aldaulmust lii alkoholčuolmâ:  Al-Anon 

Toorjâ narkotiiksorjolii ulmuu aldaulmui:  Irti Huumeista ry (Luovâs narkotiikâin) 

Laapi pyereestvaijeemkuávlu palvâlusah

Jieštipšomohjelmeh