Jieijâs piämmukoskâvuođâ suorgârdem

Mist juáhhást lii monniilágán koskâvuotâ purrâmâšân. Purrâmâš lii persovnlâš äšši, mii távjá paajeed tobdoid-uv. Mii koskâvuotâ piämmun šadda eellim mield čoggâšuvvee feeriimijn, já merhâšuumijn, maid mij adelep taaid feeriimáid. 

Ko mij pivnohistep kuátueennâmlii, tarbâšep lohđuttâspurrâmâš, uástip vuáládâspuohtuid, eellip muorjiimin, jyehip hiärskudempuudâ, piettâlep väldimist kähviniisu, valjip šaddomuulsâiävtu tâi tärhistep amnâsuásiluvâttâllâm, mij čullip maidnii piämmukoskâvuođâstân.

Piämmukoskâvuođâst uáinojeh ääših, maid mij anneep áárvust, mooid mij oskop já tot, maggaar mii eellimtile lii. Piämmukoskâvuođâ suogârdem puáhtá išediđ iberdiđ jieijâs puurrâmlattim. Mietimielâlâš já njyebžilis koskâvuotâ purrâmâš kuáttá tuárju pyereestvaijeem já ennust luhostume meiddei talle, ko puurrâmhárjánmeh nubástuveh.

Maggaar lii tuu koskâvuotâ purrâmâšân?

Koččâmušah taa vyelni išedeh jieijâd piämmukoskâvuođâ suogârdmist. 

• Maggaar koskâvuotâ tuu pärnivuođâ pääihist lâi purrâmâšân já puurâdmân? 
• Moh tábáhtusâid tâi ulmuid láá tergâdeh tuu jieijâd piämmukoskâvuođâst? 
• Maht eellimtile nubástusah, ovdâmerkkân pärnivuođâ pääihist meddâl varrim, nubástusah parâkoskâvuođâst, parnâm, varriimeh, pargosaje loonootmeh, puáccáámeh, ruttâtuálulii tile nubástusah jno., láá vaikuttâm tuu piämmukoskâvuotân? 
• Moh aašijd láá tunjin teháliih purrâmâšâst já puurâdmist tääl? 
• Maht purrâmâš vaaikut tuu pyereestvajemân? 
• Moi agâigijn tun valjiih purrâmâsâid om. piämmukäävpist?
• Mii tunjin puurât já mii ij? 
• Magarijd tobdoid puurrâm já purrâmâš tust pajedeh?

Luuvâ lase piämmukoskâvuođâst Sydänliitto (Váimulitto) já Opinvoimala sijđostuvâin:

Váimulito: Täsitiädulâš piämmukoskâvuotâ -artikkel já Muu koskâvuotâ purrâmâšân já puurâdmân -iskos

Opinvoimala: Tiervâs piämmukoskâvuotâ -siijđoh

Ornijduumij falâldâh

Laapi pyereestvaijeemkuávlu palvâlusah

Jieštipšomohjelmeh

Tiervâsvuođâ ovdedeijee purrâmâš (váátá noonâ tubdâttâttâm)