Kost motivaatio liihâdmân?

Ko taha vuáváámijd lihâdem lasettem tâi eres eellimvyehinubástus várás, lii aalgâst pyeri orostiđ smiettâđ jieijâs motivaatio. Nubástus šadda pisovâžžân, ko tot suápá jieijâs eellimtilán já árvoid. Siämmást ko ohtâ haalijd lihâdiđ, vâi iälšu puárrán, puáhtá nube ulmust motivaatiotahhen leđe ovdâmerkkân jieijâs tiervâsvuođâ ovdedem tâi veikkâba háálu leđe iäláttuvâst nuuvt pyere oornigist, ete vaja sierâdiđ ákkuvijdiskijn tâi áijuvijdiskijn.

Suogârd čuávuvijd koččâmušâid, ko algâttah lihâdem. Jis halijdah, tun puávtáh čäälliđ vástádâsâidâd pááppár oolâ, vâi tooid lii älkkeb maccâđ maŋeláá.

• Mondiet eidu mun halijdâm lasettiđ lihâdem? 

• Maggaar merhâšume lihâdem lasseetmist lii munjin?

• Maht mun halijdâm lihâdiđ? Halijdâm-uv mun lihâdiđ äigiájánâssân vâi valjiim-uv mun ävkkilihâdem?

• Kost mun kaavnâm ääigi liihâdmân jieččân aargâst?

• Maid estuid mun puávtám teivâđ määđhi mield já maht mun ciävzám tain?

• Kiäst mun uážum torjuu eellimvyehinubástusâst?

Ko tun lasettah lihâdem, lii tehálâš, ete tun valjiih olssâd mielâmield vyevi lihâdiđ. Mušte, ete äigiájánâslihâdem lasseen meiddei argâ- já ävkkilihâdem lasseet tuu pyereestvaijeem. Ko tun algâttah lihâdem, tun teeivah miätáluvâid já vuástáluvâid. Talle, ko lihâdem oro päcimin aargâ huápui vuálá já motivaatio oro časkâmin, lii pyeri, ete tun muštottah jieijâd tast, mondiet tun halijdih lasettiđ lihâdem. Maid puorijd mun puávtám finniđ jieččân aargân, ko mun lihâdâm? 

Luuvâ lase lihâdemmotivaatiost Tiervâsvuotâsiijdâst:

Terveyskylä: Kost motivaatio liihâdmân? 

Kaavnâ mielâmield lihâdemhäämi päikkikieldâstâd:

Kieldâi falâldâh

Ornijduumij falâldâh

Laapi pyereestvaijeemkuávlu palvâlusah

Jieštipšomohjelmeh

Lihâdem algâttem -jieštipšomohjelm

Algâttellee lihâdeijee valmim (váátá noonâ tubdâttâttâm)